නමො තස්‌ස භගවතො අරහතො සම්‌මාසම්‌බුද්‌ධස්‌ස
චතුරාරක්‌ඛදීපනී
කායපච්‌චවෙක්‌ඛණා
පණාමපටිඤා
බුද්‌ධ පාදම්‌බුජො ඨාතු, සීසෙ දයා තිගන්‌ධජො.
වන්‌දෙ තප්‌පූජිතං ධම්‌මං, තජ්‌ජං සඞ්‌ඝඤ්‌ච නිම්‌මලං.
අප්‌පමාදාවහං එතං, සොත්‌තබ්‌බං භවභීරුහි.
අප්‌පමාදාය ආරක්‌ඛා, චතස්‌සො මානිතා සතං.
සීතා සීතතරං යන්‌ති, සුභමෙත්‌තම්‌බුසි-ට්‌ඨිතා.
මරණග්‌ගි වාරණම්‌බු, සම්‌බුද්‌ධවචනං යිදං;
බහූ තදග්‌ගි සන්‌තත්‌තා, සීතාවාසුං තදම්‌බුනා.
අසුභාය හනෙ රාගං, දොසං මෙත්‌තාය පඤ්‌ඤවා.
1. බුද්‌ධානුස්‌සති නිද්‌දෙස
සුගතො සුගදො සත්‌ථා, සබ්‌බඤ්‌ඤූ භගවාදමො.
හත චක්‌කාරතො පූජා, රහත්‌තා චාරහං නමෙ.
අදාසි පරමං තුට්‌ඨිං, සච්‌චානි දස්‌සයං දිවා.
ජාතිඛෙත්‌තාග දෙවානං, කඞ්‌ඛච්‌ඡෙදො ස මජ්‌ඣිමෙ;
ආදො ඵලසුඛං වෙදි, මජ්‌ඣෙ සෙය්‍ය මකා ජිනො;
වෙනෙය්‍යො ලොකනං අන්‌තෙ, පච්‌ඡිමෙපි තිධා කතෙ.
සත්‌ථසිද්‌ධො පරත්‌ථංව, බ්‍යාවටො සුමහාදයො.
චඞ්‌කමිත්‌වා නිසීදිත්‌වා, රත්‌තිංදිවඤ්‌ච ඣායිතුං;
සුපිතුං මජ්‌ඣයාමෙව, බුද්‌ධො භික්‌ඛූන මොවදි.
පමාදාය මුනින්‌දස්‌ස, කතඤ්‌ඤූ සාධු සම්‌මතො.
අනඤ්‌ඤාතස්‌ස ඤාතාය, අපත්‌තස්‌සච පත්‌තියා;
ආරභෙතුංව නො යුත්‌තො, අප්‌පමත්‌තො රහොගතො.
ධුනාථ මච්‌චුනො සෙනං, නළාගාරංව කුඤ්‌ජරො.
පහාය ජාති සංසාරං, දුක්‌ඛස්‌සන්‌තං කරිස්‌සති;
නයුත්‌තොව පමාදාය, මහාදයස්‌ස සත්‌ථුනො.
සුත්‌තෙන දුබ්‌බිතක්‌කෙන, අකිච්‌ච කරණෙනවා;
මොඝ කාලක්‌ඛයො මන්‌දො, දුක්‌ඛස්‌සන්‌තං කථංකරෙ.
අනන්‌තානාම චත්‌තාරො, පරිච්‌ඡෙදො නවිජ්‌ජති.
යථාපි නභ මාකාසං, අඞ්‌ගුලරජ්‌ජුයට්‌ඨිභි;
මිනෙතුං නෙව සක්‌කොති, එවං කෙනචි තග්‌ගුණං.
2. මරණස්‌සතිනිද්‌දෙස
අවික්‌ඛිත්‌තෙන චිත්‌තෙන, සම්‌බුද්‌ධ වචනං හිදං.
කසිරඤ්‌ච පරිත්‌තඤ්‌ච, තඤ්‌ච දුක්‌ඛෙන සංයුතං.
න හි සො පක්‌කමො අත්‌ථි, යෙන ජාතා නමිය්‍යරෙ;
ජරම්‌පි පත්‌වා මරණං, එවංධම්‌මා හි පාණිනො.
එවං ජාතාන මච්‌චානං, නිච්‌චං මරණ තො භයං.
යථාපි කුම්‌භකාරස්‌ස, කතා මත්‌තිකභාජනා;
සබ්‌බෙ භෙදපරියන්‌තා, එවං මච්‌චාන ජීවිතං.
සබ්‌බෙ මච්‌චුවසං යන්‌ති, සබ්‌බෙ මච්‌චුපරායනා.
තෙසං මච්‌චුපරෙතානං, ගච්‌ඡතං පරලොකතො;
නපිතා තායතෙ පුත්‌තං, ඤාතිවාපන ඤාතකෙ;
එකමෙකොව මච්‌චානං, ගො වජ්‌ඣොවිය නිය්‍යති.
එව මබ්‌භාහතො ලොකො, මච්‌චුනාච ජරායච;
තස්‌මා ධීරා නසොචන්‌ති, විදිත්‌වා ලොක පරියායං.
මච්‌චුනො වසමාගම්‌ම, ඵන්‌දන්‌තෙවිධ පාණිනො.
යෙන යෙනහි මඤ්‌ඤන්‌ති,
තතොතස්‌ස හි අඤ්‌ඤථා;
එතාදිසො විනාභාවො,
පස්‌ස ලොකස්‌ස පරියායන්‌ති.
[සුල්‌ල සුත්‌තෙ වුත්‌තං.]
නභං ආහච්‌ච පච්‌චතා;
සමන්‌තා අනුපරි යෙය්‍යුං,
නිප්‌පොථෙන්‌තා චතුද්‌දිසා.
එවං ජරාච මච්‌චුච,
අධිවත්‌තන්‌ති පාණිනෙ;
ඛත්‌තියෙබ්‍රාහ්‌මණෙ වෙස්‌සෙ,
සුද්‌දෙ චණ්‌ඩාල පක්‌කුසෙ;
නකිඤ්‌චි පරිවජ්‌ජෙති,
සබ්‌බමෙවා භිමද්‌දති.
න චාපි මන්‌තයුද්‌ධෙන, සක්‌කා ජෙතුං ධනෙනවා.
සම්‌පස්‌සං අත්‌ථ මත්‌තනො;
බුද්‌ධෙ ධම්‌මෙ ච සඞ්‌ඝෙච,
ධීරො සද්‌දං නිවෙසයෙ.
යො ධම්‌මචාරී කායෙන, වාචාය උද චෙතසා;
ඉධෙවනං පසංසන්‌ති, පච්‌චසග්‌ගෙ පමොදතීති.
[පබ්‌බතූ මම සුත්‌තෙ වුත්‌තං.]
එවං ජරාමරණෙන, වුය්‌හන්‌තෙ සබ්‌බ පාණිනො.
දහරාපි හි මිය්‍යන්‌ති,
නරාච අථනාරියො;
තත්‌ථ කො විසාසෙපොසො,
දහරො ම්‌හීතිජීවිතෙ.
පාතො එකෙ නදිස්‌සන්‌ති, සායං දිට්‌ඨා බහුජ්‌ජනා.
අජ්‌ජෙව කිච්‌චං ආතප්‌පං, කො ජඤ්‌ඤා මරණං සුවෙ;
නහි නො සඞ්‌කරං තෙන, මහාසෙනන මච්‌චුනාති.
[ජාතකෙසුවුත්‌තං.]
ජිනෙරිතා නුසාරෙන, භික්‌ඛු සංසාර භීරුකො.
අපියාපිච ඝාතෙය්‍යුං, උප්‌පජ්‌ජෙය්‍යුං රුජාපිමෙ.
මච්‌චුසෙනා වුධාසඞ්‌ඛ්‍යා, බාහිරජ්‌ඣත්‌තු පද්‌දවා;
තෙහායු පීළිතංඡෙජ්‌ජං, මරිස්‌ස මජ්‌ජවා සුවෙ.
අභිණ්‌හ සන්‌නිපාතෙහි, රුජා ඡනවුතීහිපි.
බහූන මුපකාරෙහි, අන්‌නොදකාදිකෙහිපි;
මරිස්‌සං පීළිතො නිච්‌චං, නිරුජ්‌ඣෙය්‍යායු අජ්‌ජවා.
වසන්‌තං භවසඞ්‌ගාමෙ, නමුත්‌තො කොචි ආවුධා;
මහබ්‌බලා මහාපඤ්‌ඤා, මහිද්‌ධිකා මහද්‌ධනා;
නමුත්‌තා සම්‌මාසම්‌බුද්‌ධො, සබ්‌බලොකාධිපො අපි;
තථා හම්‌පි මරිස්‌සාමි, ලෙණං පුඤ්‌ඤංව මෙ කතං.
පථබ්‍යාපාදයො ධාත්‌ථූ,
ආහාරා භොජනාදයො;
සීතුණ්‌හ මුතුනාමෙතං,
දොසා පිත්‌තසෙම්‌හානිලා.
විසමෙ තඞ්‌ඛණඤ්‌ඤෙව, ඡෙජ්‌ජ මප්‌පං පරාධිනං.
ධාත්‌වා හාරුතු දොසානං, විසමා ස්‌වෙප්‍යකල්‌ලකො;
උස්‌සාහෙ කල්‌ලකාලෙව, කිංකරෙය්‍යඅකල්‌ලකො;
පුරෙතරංව ආරබ්‌භෙ, මාපච්‌ඡා අනුතාපනං.
නීචානීචං නජානාමි, මරණාසන්‌නතම්‌පිච.
කම්‌ම පීළිත සත්‌තානං, තඞ්‌ඛණම්‌පි භයුබ්‌භවො;
මරෙය්‍ය මජ්‌ජවා ස්‌වෙවා, නයුත්‌තොව පමජ්‌ජිතුං.
පුඤ්‌ඤක්‌ඛීණා පජා ඛිප්‌පං, අහෙතුනාපි නස්‌සයෙ;
සුද්‌ධචිත්‌තො මරිස්‌සාමි, න කිලිට්‌ඨෙන චෙතසා.
ඡෙජ්‌ජං තෙහායු අජ්‌ජාපි, සාධ්‌වාසුමාරභෙ මතං;
කම්‌මා පරාධ සත්‌තානං, විනාසෙ පච්‌චුපට්‌ඨිතෙ;
අනයො නයරූපෙන, බුද්‌ධිමාකම්‍ය තිට්‌ඨති.
එවං චින්‌තයන්‌තො සන්‌තො, නපාපං කත්‌තු මුස්‌සහෙ.
මරණාසන්‌න තඤ්‌ඤෙව, චින්‌තෙය්‍ය බුද්‌ධසාවකො;
එවං චින්‌තයන්‌තො සන්‌තො, කදාචිපි අනුණ්‌ණතො.
කරෙ කාතබ්‌බ කම්‌මඤ්‌ච, එවං සො නානුසොචති.
මරණාසන්‌න සඤ්‌ඤී සො, අප්‌පමත්‌තො විචක්‌ඛණො;
පත්‌තෙපි මරණෙ කාලෙ, න සම්‌මුළ්‌හො නසොකවා.
නිම්‌මලෙන චුතො භික්‌ඛු, නත්‌වෙවා පාය ගාමිකො.
සති ආසන්‌න මරණෙ,
දූරසඤ්‌ඤී පමාද වා;
යො කරොති අකාතබ්‌බං,
තදා සො අතිසොචති.
ආකිණ්‌ණො පාපධම්‌මෙහි, පජ්‌ඣායි දුම්‌මනො තදා.
සති ආසන්‌න මරණෙ, දුට්‌ඨො දොසොති ථද්‌ධවා;
අභිනන්‌දති සාදෙති, තදාසො අතිදුක්‌ඛිතො.
සඤ්‌චිච්‌චාපත්‌ති මාපන්‌නො, තදා සො පරිදෙවති.
සති ආසන්‌න මරණෙ, ගිහීහි නවකෙහිච;
සංසට්‌ඨො න නුලොමෙහි, ස්‌වතිවස්‌සු මුඛො තදා.
මිච්‌ඡාජීව සමාපන්‌නො, දුන්‌නිමිත්‌තොව සො චුතො.
ගිහිකම්‌මෙසු උස්‌සුක්‌කො, පස්‌සං ගිජ්‌ඣකූටං චුතො.
මරිස්‌සන්‌ති අනාවජ්‌ජ, කිලෙසාතුර පීළිතො;
කිමිඛජ්‌ජවණො සාව, භන්‌තො කිං සුගතිං වජෙ.
ගන්‌ථං විපස්‌සනං තන්‌දී, කාරුඤ්‌ඤොයෙව සො චුතො.
මරිස්‌සන්‌ති අනාවජ්‌ජ, කිලෙසානං වසානුගො;
සම්‌බුද්‌ධා-ණං වීතික්‌කන්‌තො, කාරුඤ්‌ඤො නත්‌ථි තස්‌සමො.
පුඤ්‌ඤෙ චින්‌තාපි නුප්‌පජ්‌ජි, නිරයං සො මනං ගතො.
මරෙය්‍යන්‌ති අනාවජ්‌ජං, ධනං චිනි අධම්‌මතො;
චිතං චිතං ඉහෙවෙතං, තස්‌මිංගිද්‌ධො ස පෙත්‌තිකො.
සුකතං දුක්‌කතං කම්‌මං, ගච්‌ඡන්‌ත මනුගච්‌ඡති.
මරෙය්‍යන්‌ති අනාවජ්‌ජං, ඉහත්‌ථං වා නුයුඤ්‌ජති;
සම්‌පරාය මනපෙක්‌ඛො, සුජුං වා පායගාමිකො.
පුඤ්‌ඤකාරී සුලද්‌ධෙන, මරණෙපි ස මොදති.
පඤ්‌චසීල සදාරක්‌ඛො, යථාබලඤ්‌ච දායකො;
කාලෙ උපොසථාවාසො, සො නිච්‌චං සුගතිං වජ්‌ජෙ.
මිච්‌ඡාවිතක්‌ක මුච්‌ඡිජ්‌ජ, කර කාතබ්‌බභාවනං.
අතික්‌කන්‌තා බහූ රත්‍යො, ඛෙපෙත්‌වා මම ජීවිතං;
මන්‌දායුනා පමාදෙන, යුත්‌තො විහරිතුං කථං.
කුච්‌ඡි මෙය්‍යචුතො අජ්‌ජ, කො හාසනන්‌දිතබ්‌බකො.
මච්‌චුසෙනාවුධා සඞ්‌ඛ්‍යා, මරණාභිමුඛො අහං;
අච්‌චායිතබ්‌බ කාලො යං, ඉක්‌ඛිතබ්‌බ මුදික්‌ඛතු.
දක්‌ඛෙය්‍යං මච්‌චු එස්‌සති;
අච්‌චායිතබ්‌බ කාලො යං,
නොකාසො හාසතුට්‌ඨියා.
අද්‌ධා පහාය ගාමීනං, කිං පමාද විහාරිනා.
ඛණමත්‌තොව පච්‌චක්‌ඛො, අජ්‌ජ ස්‌වෙවා අතිස්‌සති;
සම්‌පරායො අතිදීඝො, පරම්‌පරො අනන්‌තිකො.
පහාය ගමනීයෙ-ස්‌මිං, මහුස්‌සාහො නිරත්‌ථකො.
සම්‌පරායො අතිදීඝො, අපාථෙය්‍යෙ සුදුත්‌තරො;
මහුස්‌සාහෙන කාතබ්‌බො, තදත්‌ථො දීඝදස්‌සිනා.
භවන්‌තරෙ නලබ්‌භෙය්‍ය, අපාථෙය්‍ය තිදුක්‌ඛිතො.
සංසාර තරණත්‌ථාය, මහොලුම්‌පානි බන්‌ධථ;
භාවනා දාන සීලෙහි, තිවිත්‌තිණ්‌ණො භවණ්‌ණවො.
කාලාකාලා-බුධොන්‌තකො;
කන්‌තෙකන්‌තෙති මංසාසො,
පිවංපිවංව කං මිගං.
කාමෙ කාමෙසනායෙය්‍ය,
කාලොකාලො මතෙට්‌ඨියා;
පූරෙ පූරෙතබ්‌බං ධම්‌මං,
අද්‌ධා අද්‌ධාන සංසරං.
කරෙය්‍ය හාසනන්‌දිඤ්‌ච, චාපල්‌ලඤ්‌ච පමාද වා.
න හාසි නෙවනන්‌දීච, න චාපල්‌ලො කදාචිපි.
අච්‌චුට්‌ඨිත රුජග්‌ගීහි, අච්‌චායාසෙ භයානකෙ;
නොසධෙ මරණාසන්‌නෙ, කතපුඤ්‌ඤංව සාත-දං.
සබ්‌බං පහාය ගන්‌තාපි, නන්‌දිතබ්‌බානි පුඤ්‌ඤිනො.
පස්‌සන්‌තා සුනිමිත්‌තානි, පාකටානි සකම්‌මුනා;
සුඛන්‌ති මරණෙ කාලෙ, නුමොදන්‌තා කතානිච.
සුගතිං ලහුනෙතානි, කාතබ්‌බානි පුරෙතරං.
පුඤ්‌ඤං සරති චෙ සත්‌තො, තදෙව සුගතිං වජෙ.
දුක්‌ඛා මොචෙති යංපුඤ්‌ඤං, සදා කාතබ්‌බමෙව තං.
පහායකංව පුඤ්‌ඤඤ්‌හි, පහාතබ්‌බංව පාපකං;
තං පදීපන්‌ධකාරංව, ද්‌වයං ඔත්‌වා ඛුකං විය.
සබ්‌බං පහාය ගන්‌තාරො, භයානකානි පාපිනො.
පස්‌සන්‌තා දුන්‌නිමිත්‌තානි, පාකටානි සකම්‌මුනා;
මරණෙ අතිදුක්‌ඛන්‌ති, නුතාපෙන්‌තා කතානිච.
දුග්‌ගතිං ලහුනෙතානි, යුත්‌තොව පරිවජ්‌ජිතුං.
පමාදස්‌සන්‌ති චික්‌ඛන්‌තො, මහග්‌ගිම්‌හි තුරං පති.
පුඤ්‌ඤං අකරිවා මාවා, යමරාජින්‌ද පුච්‌ඡිතො;
පමාදස්‌සන්‌ති චික්‌ඛන්‌තො, මහාදුක්‌ඛං තුරං ගමි.
පමාදස්‌සන්‌ති චික්‌ඛන්‌තො, තත්‌තං ගුළං තුරං ගිලි.
ජාතමත්‌තා තිජිණ්‌ණාච, ආතුරාච මතා වුධා;
දෙවදූතෙ ඉමෙ පඤ්‌ච, දිස්‌වා සංවිග්‌ගතං වජෙ.
තෙ දීඝරත්‌තං සොචන්‌ති, හින කායූ පගානරා.
කථං ගිජ්‌ඣකූටං සෙසං, පෙතාවාසං අතිස්‌සති.
පරියත්‌ති මසික්‌ඛන්‌තො,
නාරද්‌ධො පටිපත්‌තියං;
අලසො දුබ්‌බිතක්‌කො සො,
කිං තංසෙලං අතිස්‌සති.
සුගත්‍යාපිච තෙ භට්‌ඨා, අතිදූරාව මුත්‌තිතො.
පතන්‌ති ඛුද්‌දකෙනාපි, අපායං පාප කම්‌මුනා.
පතන්‌තා ඛුද්‌දකෙනෙව, බහූහි පුන පීළිතා;
මොක්‌ඛොකාසං නවින්‌දන්‌ති, පාපං ඛුද්‌දම්‌පි නාචරෙ.
දුක්‌ඛාති දුක්‌ඛ සංකිණ්‌ණො, හට්‌ඨුං තුට්‌ඨුං නසක්‌කුණෙ.
මහායසො සිරින්‌ධරො;
කුච්‌ඡියං රෙතසි වාසො,
අතීව ලජ්‌ජිතබ්‌බකො.
මච්‌චුදුක්‌ඛං ඛණංයෙව, අතිදුක්‌ඛං තදුත්‌තරි;
මාතුගාමුදරෙ සන්‌ධි, පතිට්‌ඨානං භයානකං.
ආම පක්‌කන්‌තරෙ සන්‌ධි, පතිට්‌ඨානං භයානකං.
දුග්‌ගත්‍යංඨාතු තංදුක්‌ඛං, සුණ උච්‌චකුලෙඅපි;
කුච්‌ඡියං අතිසම්‌බාධෙ, ජලාබුම්‌හි ජිගුච්‌ඡිතෙ.
මිළ්‌හ සෙම්‌හාදි සංකිණ්‌ණෙ, අති දුග්‌ගන්‌ධ වාසිතෙ;
ගූථකූපෙ කිමීවිය, තමෙජා මූලකම්‌මතො.
පරමාණුකායො ඨාති, දුක්‌ඛී නෙරයිකො විය;
ධුවාතුරො සුඛාමිස්‌සො, ආම පක්‌කාසයන්‌තරෙ;
වෙදනට්‌ටොව සංවඩ්‌ඪො, අචිත්‌තොවිය නිච්‌චලො;
දසමාසන්‌තරෙ කච්‌චෙ, බහූ මරන්‌ති පාණිනො.
අතිසම්‌බාධ යොනිතො;
මලාකිණ්‌ණෙන ගත්‌තෙන,
අච්‌චායාසො විජායති.
පස්‌සං නිබ්‌බින්‌දන්‌තො සන්‌තො, විරජ්‌ජෙය්‍ය භවන්‌දුකෙ.
එවං මච්‌චුඤ්‌ච සන්‌දිඤ්‌ච, අනුස්‌සර මභිණ්‌හසො;
රාජසෙට්‌ඨි භවාදිම්‌පි, නඉච්‌ඡෙය්‍ය තදන්‌විතං.
පුඤ්‌ඤං පුනප්‌පුනං දෙති, සන්‌ධිං න නිබ්‌බුතිං වරං.
භවෙ දුක්‌ඛං විභායිත්‌වා, නිබ්‌බින්‌දෙන පවත්‌තිතං;
පුඤ්‌ඤං භව මතික්‌කම්‌ම, නිබ්‌බානං දෙති නිබ්‌බුතිං.
තිභවෙසු විරජ්‌ජෙය්‍යා, දිත්‌ත ගෙහෙව සාමිකො.
සන්‌තො පුඤ්‌ඤානි කරොන්‌තො, සන්‌ධිදුක්‌ඛ මනුස්‌සරං;
නිබ්‌බින්‌ද යුත්‌ත චිත්‌තෙන, වජ්‌ජෙය්‍ය භවසාත තො.
භව සාත වසා තස්‌මා, ධීරො තං ලග්‌ගනං චජෙ.
3. අසුභභාවනා නිද්‌දෙස
දස්‌සෙත්‌වා මතසාරීරං, තස්‌සා ජිනො ඉදං බ්‍රවි.
සමඤ්‌ඡෙති පසාරෙති, එසා කායස්‌ස ඉඤ්‌ජනා.
අට්‌ඨි න්‌හාරූහි සංයුත්‌තො, තච මංසාව ලෙපනො;
ඡවියා කායො පටිච්‌ඡන්‌නො, යථාභූතං නදිස්‌සති.
හදයස්‌ස පප්‌ඵාසස්‌ස, වක්‌කස්‌ස පිහකස්‌සච.
සිඞ්‌ඝානිකාය ඛෙළස්‌ස, සෙදස්‌සච මෙදස්‌සච;
ලොහිතස්‌ස ලසිකාය, පිත්‌තස්‌සච වසායච.
අක්‌ඛිම්‌හා අක්‌ඛිගූථකො, කණ්‌ණම්‌හා කණ්‌ණගූථකො.
සිඞ්‌ඝානිකාච නාසතො, මුඛතො වමති එකදා;
පිත්‌තං සෙම්‌හඤ්‌ච වමති, කායම්‌හා සෙදජල්‌ලිකා.
මත්‌ථලුඞ්‌ගස්‌ස පූරිතං;
සුභතො නං මඤ්‌ඤති බාලො,
අවිජ්‌ජාය පුරක්‌ඛතො.
යදාච සො මතො සෙති,
උද්‌ධුමාතො විනීලකො;
අපවිද්‌ධො සුසානස්‌මිං,
අනපෙක්‌ඛා හොන්‌ති ඤාතයො.
කාකා ගිජ්‌ඣාච ඛාදන්‌ති, යෙචඤ්‌ඤෙ සන්‌ති පාණකා.
සොඛො නං පරිජානාති, යථාභූතඤ්‌හි පස්‌සති.
යථාඉදං තථාඑතං, යථාඑතං තථාඉදං;
අජ්‌ඣත්‌තඤ්‌ච බහිද්‌ධාච, කායෙ ඡන්‌දං විරාජයෙ.
අජ්‌ඣගා අමතං සන්‌තිං, නිබ්‌බානං පද මච්‌චුතං.
ද්‌විපාදකො යං අසුචි, දුග්‌ගන්‌ධො පරිහාරති;
නානාකුණප පරිපූරො, විස්‌සවන්‌තො තතොතතො.
පරංවා අවජානෙය්‍ය, කිමඤ්‌ඤත්‍ර අදස්‌සනාති;
කාය විච්‌ඡන්‌දනීයසුත්‌තං, විජයසුත්‌තන්‌තිපි වත්‌තබ්‌බං.
තස්‌මා රාගොති වත්‌තබ්‌බො, තණ්‌හාව නිච්‌චතාපිකා.
අභිණ්‌හමෙව රාගග්‌ගි, දය්‌හතෙ සුභසඤ්‌ඤිනං;
කිමිඛජ්‌ජවණො සාව, දුක්‌ඛී රාගී ස සබ්‌බදා.
නත්‌ථි රාගග්‌ගිඛන්‌ධස්‌ස, පියින්‌ධෙන හි පුණ්‌ණතා.
ඉති වුත්‌තං මහෙසිනා;
තෙන රාගග්‌ගිනා දඩ්‌ඪො,
සබ්‌බො ලොකො තිදුක්‌ඛිතො.
එකස්‌ස පිවිතං ඛීරං, චතූ දධි ජලා බහු;
රාගහෙතු භවෙ සන්‌ධි, ට්‌ඨානං අනමතග්‌ගිකං.
රාගහෙතු භවෙ මච්‌ච, භයං අනමතග්‌ගිකං.
එකස්‌ස රුදතො අස්‌සු, චතූ දධි ජලා බහු;
දුක්‌ඛං අනමතග්‌ගංව, තංහෙතු පරිදෙවනං.
අසඞ්‌ඛ්‍යෙය්‍යං මහාදුක්‌ඛං, තංහෙතු නිරයෙ ලභි.
එක ද්‌විත්‌ති චතු පඤ්‌ච, බුද්‌ධුප්‌පාදෙප්‍ය මොචිතං;
ඛුප්‌පිපාසිත නිජ්‌ඣාමං, ලභි තංහෙතු පෙත්‌තිකං.
නමතග්‌ගික සංසාරෙ, සබ්‌බන්‌තං රාගහෙතුකං.
එකස්‌සෙකෙන කප්‌පෙන, පුග්‌ගලස්‌සට්‌ඨි සඤ්‌චයො;
සචෙ සංහාරිතො අස්‌ස, වෙපුල්‌ල පබ්‌බතාධිකො.
එක කප්‌පෙ ඉදං දුක්‌ඛං, නාදිකප්‌පෙසු කාකථා;
රාගො නනු මහාවෙරී, බාලො ජනො ත මිච්‌ඡති.
නිබ්‌බානං පඤ්‌ච පච්‌චක්‌ඛා, අසුභාය ඵලා මතා.
සොමිත්‍ය මුක්‌කට්‌ඨාවාචා, ඡළිමෙ රාග සුද්‌ධියා.
නිච්‌චුග්‌ගරාග රොගීනං, අසුභා වාතුලොසධා;
රාගයක්‌ඛාභි ගය්‌හානං, අසුභා මන්‌ත මුත්‌තරං.
සජීවා කෙසලොමාදි, දසෙවිමෙ අජීවකා.
වික්‌ඛායිතක වික්‌ඛිත්‌තං, හතිවික්‌ඛිත්‌ත ලොහිතං.
පුළුව ට්‌ඨික මිච්‌චෙසු, ලද්‌ධා අඤ්‌ඤතරං සතො;
රතන වානපස්‌සෙය්‍ය, යථා චෙතසි පාකටං.
වික්‌ඛිත්‌තං සෙත පුඤ්‌ජට්‌ඨිං, නවධා පුතිමික්‌ඛයෙ.
පයොජන සමාවජ්‌ජ, මොදිතබ්‌බං ජිගුච්‌ඡකෙ.
සජීවකෙ ජිගුච්‌ඡත්‌ථං, නිජ්‌ජීවා සුභ මීරිතං;
තථූපමො අයංකායො, එවමෙව භවිස්‌සති.
ඉච්‌චුප සංහරෙ දිස්‌වා, එකද්‌විහ මතාදිකං.
ජෙගුච්‌ඡං පටිකූල්‍යඤ්‌ච, කායෙ ඉච්‌චුප සංහරෙ.
උද්‌ධුමාත විනීලාදි,
පටිකූල්‍යො ජිගුච්‌ඡිතො;
තථෙවායම්‌පි මෙ කායො,
විසෙසො නායු-සායුව.
ඉමස්‌මිංපි මෙ කායෙ, ගවෙසන්‌තොපි සබ්‌බසො.
පටිකූලවසා ධාතු, වසාච ද්‌විප්‌පකාරතො;
පච්‌චවෙක්‌ඛෙය්‍යිමං කායං, ඉච්‌ඡං විරාග මත්‌තනි.
ජෙගුච්‌ඡ පටිකූල්‍යාච, කෙසා න තුට්‌ඨමානිතා.
ඉති කෙසෙසු ඉක්‌ඛෙය්‍ය,
ලොමා දීසුප්‍යයං නයො;
ද්‌වත්‌තිංසෙවඤ්‌හි කොට්‌ඨාසෙ,
පච්‌චවෙක්‌ඛෙ විසුංවිසුං.
අනික්‌ඛන්‌තම්‌පි ජෙගුච්‌ඡං, පටිකූල්‍යංව තස්‌සමං.
සඞ්‌ඛතම්‌පි යථා වච්‌චං, මනුඤ්‌ඤතං න පාපුණෙ;
උපක්‌කම සහස්‌සෙහි, එවං කෙසාදිකම්‌පිච.
නනු ජෙගුච්‌ඡිතා භිය්‍යො, ද්‌වත්‌තිංස වච්‌චපුඤ්‌ජකා.
කෙසාදිද්‌වත්‌තිංස පුඤ්‌ජො, භිය්‍යො ජෙගුච්‌ඡිතො නනු.
පුඤ්‌ජිතෙස්‌වෙව කන්‌තෙසු, කන්‌තොහොති ස පුඤ්‌ජකො;
පුඤ්‌ජිතෙසු අකන්‌තෙස, අකන්‌තොව ස පුඤ්‌ජකො.
නත්‌ථි තඤ්‌ඤා කුමාරීවා, මුඛහත්‌ථාදිකානිවා.
සම්‌පිණ්‌ඩි තෙසු තෙස්‌වෙව,
කුතො තා තානි ආගතා;
පඤ්‌ඤත්‌ති මත්‌ත මෙවෙසා,
ජිගුච්‌ඡඤ්‌ඤා න කාචිපි.
අසන්‌තං පරිකප්‌පෙන්‌තො, නානාදුක්‌ඛෙහි තප්‌පති.
නාවජ්‌ජ සන්‌තජෙගුච්‌ඡං, සඤ්‌ඤං අසති කාතුන;
සුභා ඉත්‌ථීති ගාරග්‌ගි, උප්‌පජ්‌ජි සුභසඤ්‌ඤිනො.
තාය සන්‌තඤ්‌ච භූතඤ්‌ච, න පස්‌සති කදාචිපි.
රුදතො අස්‌සු තංහෙතු, චතූදධි ජලා බහු.
ආයතිම්‌පි අතීතෙව, සංසරන්‌තස්‌ස හෙස්‌සති;
රාගං හන්‌තු මනීහොචෙ, ඛීරං අස්‌සුච ලොහිතං.
තදභාවෙ ස නස්‌සති;
ථිරං හන්‌තුං න තංසඤ්‌ඤං,
සක්‌කා සිථිල වීරියො.
සුභසඤ්‌ඤාප්‌ප හානාය, පරිච්‌චජ්‌ජාපි ජීවිතං.
අඤ්‌ඤකිච්‌ච මුපෙක්‌ඛාය, බ්‍රූහෙය්‍යාසුභ භාවනං;
මන්‌දි හුත්‌වෙහ රාගග්‌ගි, නිබ්‌බායිස්‌සති ආයතිං.
කිච්‌චං මෙ ඉදමෙවෙති, බ්‍රූහෙය්‍යාසුභ භාවනං;
දානි මන්‌දග්‌ගි හුත්‌වාන, පාමොජ්‌ජං වෙ ලභිස්‌සති.
අලද්‌ධා කිඤ්‌චි පාමොජ්‌ජං, පබ්‌බජ්‌ජම්‌පි න මොදති.
පුරෙ මරාමි කායෙ ස්‌මිං, පස්‌සා මි පස්‌සිතබ්‌බකං;
ඉච්‌චා රද්‌ධො වීතිංලද්‌ධා, පබ්‌බජ්‌ජං අතිමොදති.
මොඝංව දුල්‌ලභාතීතො, මහාජානීයතං ගතො.
සන්‌තං භූතඤ්‌ච ජෙගුච්‌ඡං, රාගග්‌ගිනා අපස්‌සියං;
පඤ්‌ඤාපදීපජොතෙන, සමික්‌ඛෙය්‍ය අභිණ්‌හසො.
පඤ්‌ඤාපදීපකෙනෙව, දක්‌ඛෙ න රාගීසීඛිනා.
ජෙගුච්‌ඡිතෙන කායෙන, නික්‌ඛන්‌තෙන ජිගුච්‌ඡතො;
අජ්‌ජ ස්‌වෙවා විනට්‌ඨෙන, නාල මුන්‌නමිතුං සතො.
ජෙගුච්‌ඡතොච නික්‌ඛන්‌තො, ඉච්‌චෙව වත්‌තු මරහති.
කායෙ ජෙගුච්‌ඡසඤ්‌ඤංව, කරෙ සබ්‌බිරියා පථෙ;
තස්‌මිං තුට්‌ඨබ්‌බකං නත්‌ථි, පියායිතං මමායිතං.
සන්‌තො පක්‌කස්‌ස සංසාරො, නන්‌තො නවස්‌ස රාගිනො.
කායෙ අසුභ සඤ්‌ඤාය, පරිපක්‌ක සභාවිනො;
ආලම්‌බෙසු අචාපල්‌ලා, ථිරා සම්‌බුද්‌ධ සාසනෙ.
පක්‌කා නාසාය උච්‌චා තෙ, නීචායෙව නවා සිනො.
පක්‌කා පක්‌කාව ධීඣායී, සන්‌තාසන්‌තා විරාගිනො.
සක්‌කා සක්‌කා න දස්‌සෙතුං, සුභංසුභං සතංසතං;
ධීරාධීරාග මුජ්‌ඣන්‌ති, කායෙ කායෙ ක්‍රියෙක්‍රියෙ.
සන්‌තොසන්‌තොජිගුච්‌ඡඤ්‌ඤූ, න වානවා සුභෙසකො.
තපං නිබ්‌බායිතුං ඉච්‌ඡං, දුකායං දුති චින්‌තයෙ.
ය්‌වාසුභං සුභතො මඤ්‌ඤි, කොනුබාලොතදුත්‌තරි;
අන්‌ධො උම්‌මත්‌තකොවා සො, නත්‌තානං මඤ්‌ඤතෙ තථා.
මන්‌දරාගො මනොසීතං, ලභෙය්‍ය තමනුස්‌සනං.
ගිහිභාවෙ අපායෙච, රාගයක්‌ඛන්‌ධ නින්‌නිතා;
මංපි නෙස්‌සති සොයක්‌ඛො, සාදෙමිචෙ තදාගතං.
අසුභා තුල මන්‌තෙන, වාරෙහි තං ස භායති.
රාගයක්‌ඛො බහුමායො, සද්‌ධාමෙත්‌තා දිවෙසවා;
රාගම්‌පි කුසලං මඤ්‌ඤි, ජනො තෙනෙව වඤ්‌චිතො.
උග්‌ඝරන්‌තං පග්‌ඝරන්‌තං, බාලානං අභිපත්‌ථිතං.
සුභතො නං මඤ්‌ඤති බාලො, අවිජ්‌ජාය පුරක්‌ඛතො;
ඉච්‌චාහ භගවා නින්‌දි, බාලොති සුභසඤ්‌ඤිනං.
බුද්‌ධනින්‌දාය මොචෙතුං, තානාරබ්‌භ අනුස්‌සරෙ.
මඤ්‌ඤිත්‌වා අත්‌තනො බාල්‍යං, අසුභෙ සුභදස්‌සිනො;
වායාමෙය්‍ය අබාලාය, කායං අසුභතො සරං.
සුභසඤ්‌ඤං පහින්‌නෙය්‍ය, කරෙය්‍යාසුභ සඤ්‌ඤිතං.
විස භෙසජ්‌ජරුක්‌ඛට්‌ඨො, අහි ඩංසෙය්‍යසොසතො;
යථා තස්‌සෙව පණ්‌ණාදිං, ඛාදෙත්‌වා විස මුජ්‌ජහෙ.
එවං රාගො සමුප්‌පජ්‌ජෙ, කායෙ ගන්‌ධාදි වාසිතෙ;
අන්‌තො තස්‌සෙව ජෙගුච්‌ඡං, චින්‌තෙත්‌වා රාග මුජ්‌ජහෙ.
උන්‌නමෙති අවඤ්‌ඤාති, අවිජ්‌ජාය පුරක්‌ඛතො.
බීජා භාවෙ කුතො මග්‌ගො, මග්‌ගබීජා හි භාවනා.
මග්‌ගබීජො අපායෙපි, නිම්‌මුග්‌ගො සමයෙ ගතෙ;
උම්‌මුජ්‌ජිත්‌වාව බුද්‌ධානං, මග්‌ගං ලභෙය්‍ය සන්‌තිකෙ.
තස්‌මාහි භාවනාබීජං, කරෙය්‍ය මොචනත්‌ථිකො.
අභිණ්‌හ පීළිතං රාගං, අසුභාය නිවාරයෙ;
මන්‌දීහුත්‌වා පහීයෙය්‍ය, රාගො අසුභ භීරුකො.
අනන්‌ත දුක්‌ඛ මාපාදි, ජෙගුච්‌ඡිත මමායනා.
මංසලග්‌ගො තචච්‌ඡන්‌නො,
න්‌හාරුබන්‌ධො ට්‌ඨිපුඤ්‌ජකො;
මොහෙති ඡවියා ලොකං,
මහාදුක්‌ඛො ස මොහිතො.
ගෙහෙ රොගා පුතී පාපා, වසන්‌ති කුච්‌ඡිතා සදා.
ලුඞ්‌ගන්‌තා වීස භූධාතූ, පිත්‌තාදී ද්‌වාදසම්‌බුව;
තාපං ජිරං දහං පක්‌කං, චතුරග්‌ගි ඡවායුකා.
අධොද්‌ධං කුච්‌ඡි කොට්‌ඨාසා,
අඞ්‌ගචාරීච පාණකා;
ධාතුයොයෙව කායෙස්‌මිං,
ද්‌විතාලීස අනඤ්‌ඤකා.
නමෙ නාහං නඅත්‌තාති, සංමසෙය්‍ය පුනප්‌පුනන්‌ති.
4. මෙත්‌තාභාවනානිද්‌දෙස
දොස නිග්‌ගහණත්‌ථාය, දොසො මෙත්‌තායවෙරිහි.
අක්‌කොච්‌ඡිමං අවධිමං, අජිනිමං අහාසිමෙ;
යෙච තං උපනය්‌හන්‌ති, වෙරං තෙසං නසම්‌මති.
යෙචතං නුපනය්‌හන්‌ති, වෙරං තෙසං උපසම්‌මති.
නහිවෙරෙන වෙරානි, සම්‌මන්‌තිධ කුදාචන;
අවෙරෙනච සම්‌මන්‌ති, එසධම්‌මො සනන්‌තනො.
යෙච තත්‌ථ විජානන්‌ති, තතො සම්‌මන්‌ති මෙධගා.
කුද්‌ධො අත්‌ථං නජානාති, කුද්‌ධො ධම්‌මං නපස්‌සති;
සදා අන්‌ධතමං හොති, යංකොධො සහතෙනරං.
පරං සංකුප්‌පිතං ඤත්‌වා, යො සතො උපසම්‌මති.
තස්‌සෙව තෙන පාපිය්‍යො, යො කුද්‌ධං පටිකුජ්‌ඣති;
කුද්‌ධං අපටිකුජ්‌ඣන්‌තො, සඞ්‌ගාමං ජෙති දුජ්‌ජයං.
නිබ්‌බානං පරමං වදන්‌ති බුද්‌ධා;
නහි පබ්‌බජිතො පරූපඝාතී,
නසමණො හොති පරං විහෙඨයන්‌තො.
අකොධෙන ජිනෙ කොධං, අසාධුං සාධුනා ජිනෙ;
ජිනෙ කදරියං දානෙන, සච්‌චෙනා ලිකවාදිනං.
ත මහං සාරථී බ්‍රූමි, රස්‌මිග්‌ගාහො ඉතරොජනො.
යාය ඡින්‌දති අත්‌තානං, බාලො දුබ්‌භාසිතංභණං.
සෙලො යථා එකග්‌ඝනො, වාතෙන නසමීරති;
එවං නින්‌දා පසංසාසු, නසමිඤ්‌ජන්‌ති පණ්‌ඩිතා.
මනොපදොසං රක්‌ඛෙය්‍ය, සන්‌තො අනුණ්‌ණතො සියා.
නපරො පරං නිකුප්‌පෙථ, නාතිමඤ්‌ඤෙථ කත්‌ථචි නකිඤ්‌චි;
බ්‍යාරොසනා පටිඝසඤ්‌ඤා, නඤ්‌ඤමඤ්‌ඤස්‌ස දුක්‌ඛ මිච්‌ඡෙය්‍ය.
මායුසා එකපුත්‌ත මනුරක්‌ඛෙ;
එවම්‌පි සබ්‌බ භූතෙසු,
මානසං භාවයෙ අපරිමාණං.
සුත්‌වාන දුසිතො බහුං වාචං,
සමණානංවා පුථුජනානං;
ඵරුසෙන හි න පටිවජ්‌ජා,
න හි සන්‌තො පටිසෙනිං කරොන්‌ති.
එතෙහි තීහි ඨානෙහි, ගච්‌ඡෙ දෙවාන සන්‌තිකෙ.
න පරෙසං විලොමානි, න පරෙසං කතාකතං;
අත්‌තනොව අවෙක්‌ඛෙය්‍ය, කතානි අකතානිච.
පරෙසඤ්‌හි සො වජ්‌ජානි, ඔඵුනාති යථා භුසං;
අත්‌තනො පන ඡාදෙති, කලිංව කිතවා සට්‌ඨො.
නිග්‌ගය්‌හවාදිං මෙධාවිං, තාදිසං පණ්‌ඩිතං භජෙ.
තාදිසං භජමානස්‌ස,
සෙය්‍යොහොති නපාපියො;
ඉති වුත්‌තං මුනින්‌දෙන,
තිලොකග්‌ගෙන සත්‌ථුනා.
දොසං දූරෙකරෙ බුධො;
දූරාසන්‌නෙසු සබ්‌බෙසු,
අත්‌තනො වෙරිකෙසුපි.
හනෙ දොසූ පනාහානි, අනත්‌ථ කාරකානි හි;
තෙස්‌ව සන්‌තෙසු සබ්‌බෙසු, මෙත්‌තාහොති සුනිම්‌මලා.
නහිතාපයිතුං සක්‌කා, ගඞ්‌ගානදිං තිණුක්‌කයා.
නහි නින්‌දා පසංසාහි, සතං මනොවිකාරතා;
න කදාචිපි කම්‌පෙය්‍ය, වාතෙහි සෙලපබ්‌බතො.
මහානාවා නකම්‌පන්‌ති, මහන්‌තීහි විචීහිපි.
ලොකෙ පසංස නින්‌දාහි, දුජ්‌ජනොවුන්‌නතොනතො;
සන්‌තොපඤ්‌ඤො නචලති, මහානින්‌දා ථුතීහිපි.
වණ්‌ණාවණ්‌ණා අසස්‌සතා;
ලාභාලාභා සුඛාදුක්‌ඛා,
යසායසා නකම්‌පති.
ඛමාධග්‌ග කරෙතස්‌ස, දුජ්‌ජනො කිං කරිස්‌සති;
අතිණෙ පතිතො අග්‌ගි, සයමෙව පසම්‌භති.
මාඤ්‌ඤෙ තච්‌ඡතු දොසෙන, කිමත්‌ථං අඤ්‌ඤතච්‌ඡනං.
මාඤ්‌ඤෙ තච්‌ඡ තුදොසෙන, නසෙය්‍යො අඤ්‌ඤතච්‌ඡනං;
මාඤ්‌ඤො තං අහිබ්‍යග්‌ඝෙව, දොමනස්‌සෙන භායතු.
අචාපල්‌ලෙන සන්‌තෙන, ගරුකාතබ්‌බතං වජෙ.
නිස්‌සාය ගරුකාතබ්‌බං, බහූනං පුඤ්‌ඤවඩ්‌ඪනං;
ගරුකාතබ්‌බතං ගච්‌ඡෙ, ධීතියා සීල ගුත්‌තියා.
දුජ්‌ජනං දොමනස්‌සෙන, අහිබ්‍යග්‌ඝෙව භායති.
නඵරුසාය වාචාය, අඤ්‌ඤෙ දමෙය්‍ය පණ්‌ඩිතො;
අත්‌තානංව දමෙත්‌වාන, අඤ්‌ඤෙ සණ්‌හෙන ඔවදෙ.
තස්‌මා ඔවා දනාදීසු, රක්‌ඛෙය්‍ය ථද්‌ධචිත්‌තතො.
අත්‌තාන මොවදත්‌ථාය, සික්‌ඛෙය්‍ය බුද්‌ධභාසිතං;
පරම්‌පි අනුකම්‌පාය, ඉච්‌ඡන්‌තො අනුසාසයෙ.
අඤ්‌ඤං නනිග්‌ගහෙ කිඤ්‌චි, සුතෙන පටිපත්‌තියා;
අත්‌තනිග්‌ගහණං සෙය්‍යො, නුන්‌නමෙය්‍ය ජිනොරසො.
මාඤ්‌ඤෙ මඤ්‌ඤන්‌තු තං දිස්‌වා, චිරප්‌පබ්‌බ ජිතො නුති.
කකචෙන ත්‌තඡෙදෙන්‌තෙ, වෙරිකෙපිනදොසයෙ;
ඉච්‌චොවාදං මුනින්‌දස්‌ස, සම්‌පටිච්‌ඡ ජිනොරසො.
න ත්‌ව තබ්‌බිසයෙ නාමෙ, දුක්‌ඛං මාකරි චෙතසි.
වෙරී තිබන්‌ධ වෙරොපි, ඉහෙව දුක්‌ඛකාරකො;
භවන්‌තරං නඅන්‌වෙති, සකම්‌මුනා ගතො හිසො.
දුක්‌ඛාවහො භවෙභවෙ;
මහානත්‌ථ කරං දොසං,
කස්‌මා වඩ්‌ඪෙති චෙතසි.
මෙත්‌තාසීතම්‌බුසෙකෙන, ජිනොවාද මනුස්‌සරං;
මහා නත්‌ථ කරං දොසං, නිබ්‌බායතු ස චෙතසි.
ධම්‌මපාලො ඛමි තාතං, කපින්‌දො කන්‌දරො පතං.
අසඞ්‌ඛ්‍යෙය්‍ය ත්‌තභාවෙසු, පරවජ්‌ජං තිතික්‌ඛතො;
නාථස්‌ස පාරමිං ඛන්‌තිං, සරං ධීරො තිතික්‌ඛතු.
තුවං පටිච්‌ච මඤ්‌ඤන්‌තු, සාසනෙ සප්‌පයොජනං.
සාසනෙ චිර වාසාපි, මාදිසාව ඉමෙ ඉති;
තමාගම්‌ම නමඤ්‌ඤන්‌තු, සාසනෙ නිප්‌පයොජනං.
ද්‌වෙ උසෙතීති දොසො සො, සපරං දය්‌හතෙ ද්‌වයං;
පහාතබ්‌බො ස සබ්‌බෙසු, පරත්‌ථ සත්‌ථ මිච්‌ඡතා.
පරවජ්‌ජං ඛමෙතබ්‌බං, නසාධු අඤ්‌ඤවිරොධිතො.
ඛමන්‌තොතු නගණ්‌හාති, ජානං ජෙගුච්‌ඡිතානිති.
පරදින්‌නානි වච්‌චානි, පාභතන්‌ති නකොචිපි;
ගණ්‌හෙය්‍යෙවං දුරුත්‌තානි, අගණ්‌හන්‌තො ඛමෙ සතො.
සබ්‌බෙ උප්‌පතිතා දොසා, ඛන්‌තිපත්‌වා සමන්‌ති තෙ.
දොසුම්‌මත්‌තක වාචාය, නුම්‌මත්‌තො කිංකරිස්‌සති;
භවෙ ය්‍යුම්‌මත්‌තකො සොව, තාදිසං වචනං භණං.
කොධනො අක්‌ඛමො අඤ්‌ඤ, දුට්‌ඨසඤ්‌ඤී භයාලුකො;
ගාමමජ්‌ඣෙ අළක්‌කොව, තථා මාහොහි තං ජහ.
සබ්‌බට්‌ඨානෙසුනිබ්‌භයො;
පරත්‌ථ සත්‌ථ මිච්‌ඡන්‌තො,
ඛන්‌ති මෙත්‌තඤ්‌ච භාවයෙ.
පරක්‌කොසානි නින්‌දානි, තංව පච්‌චෙන්‌ති නාඤ්‌ඤගූ;
ඛිත්‌තංපංසුව වාතුද්‌ධං, ගරුකං කිං ඛමායතෙ.
ඉධ පෙච්‌චච නීචෙය්‍යො, නංනයං ගණ්‌හි අක්‌ඛමො.
තස්‌සෙවා නත්‌ථකාරකො;
ඉති ඤත්‌වාව සප්‌පඤ්‌ඤො,
අක්‌කොසං න ගරුං කරෙ.
විකාරාපත්‌ති මිච්‌ඡන්‌තො, වෙරී බහු මුපක්‌කමි;
මාමිත්‌තවස මන්‌වෙහි, නිබ්‌බිකාරො තුවංභව.
මෙත්‌තම්‌බුනා සද්‌දොසොච, පරදොසොච සම්‌මති;
මෙත්‌තාසෙකෙන සබ්‌බෙසු, සබ්‌බතොග්‌ගිං නිපාරයෙ.
මෙත්‌තා තොයෙන වාරෙය්‍ය, සියා නිබ්‌බුති සබ්‌බධි.
නගමෙ අත්‌තනො අග්‌ගිං, පරග්‌ගිංවාපි නාගමෙ;
මෙත්‌තම්‌බුනාව නිබ්‌බාතු, සපරග්‌ගි ද්‌වයං භුසං.
නින්‌දංනින්‌දං නකුප්‌පෙය්‍ය, නසාදියෙ ථුතිං ථුතිං.
ගුණං නින්‌දාය නාසෙතුං, නසක්‌කා කොචි කුස්‌සකො;
වඩ්‌ඪෙතුංවා පසංසාය, ගරුංකරෙ න තංද්‌වයං.
තංමුත්‌තස්‌ස තු එතස්‌ස, අතිස්‌සය පභාවතො.
සු සුත්‌ත බුද්‌ධ සුපිනා, ද්‌වෙපියා ගුත්‌ති නාක්‌කමො;
සමාධි සුමුඛා මුළ්‌හා, බ්‍රහ්‌මා ත්‍යෙකා දස ග්‌ගුණා.
මාකාසිනිප්‌පභෙ චඤ්‌ඤෙ, චන්‌දො හොහි ගතෙගතෙ.
ධම්‌මං දෙසෙතු පත්‌තානං, චන්‌දො හොහි ගතෙගතෙ.
සම්‌පත්‌තානං මලං ධොව, සීතංකරෙ සදාදයො;
උච්‌චනීචෙ නවිසෙසෙ, ජලස්‌සමො ගතෙගතෙ.
පතිට්‌ඨො නිබ්‌බිකාරො ත්‌වං, පථවීසදිසො භව.
නාකාසි කලහං සිලා, සදා කෙනචි නිච්‌චලා;
මෙත්‌තායන්‌තො ඛමායන්‌තො, මහාසිලං ගුරුංකරෙ.
පච්‌චුත්‌තෙ දොසසංවඩ්‌ඪො, අනුත්‌තොව පසම්‌භති.
සබ්‌බෙ අහංව ඉච්‌ඡන්‌ති, සත්‌තා සුඛන්‌ති ඤාතුන;
භාවෙය්‍ය කමතො මෙත්‌තං, පිය මජ්‌ඣත්‌ත වෙරිකෙ.
අත්‌තානං උපමං කත්‌වා, නහනෙය්‍ය නඝාතයෙ.
සුඛ කාමානි භූතානි,
යොදණ්‌ඩෙන විහිංසති;
අත්‌තනො සුඛ මෙසානො,
පෙච්‌ච සො නලභෙසුඛං.
හිතකාමා තථා අස්‌සු, මජ්‌ඣත්‌තා වෙරිනොපිච.
සුඛීහොන්‌තූති භාවෙය්‍ය, චජෙ තෙසුච ලග්‌ගනං.
දොසො මෙත්‌තාය දූරාරි, තණ්‌හා ආසන්‌න වෙරිකා;
තණ්‌හං පියෙසු වාරෙය්‍ය, දොසං වෙරීසු මෙත්‌තිකො.
හොන්‌තු සබ්‍රහ්‌මචාරීච, තෙච ඤ්‌ඤොඤ්‌ඤ හිතාවහා.
රාජානොච අමච්‌චාච, ගාමෙ ඉස්‌සරියා සුඛී;
භවන්‌තු දෙවතායොච, තෙහි සුරක්‌ඛිතො සුඛො.
සුඛිතා රට්‌ඨවාසිනො;
සුඛී කල්‌ල ත්‌ථු සොරාජා,
තෙජවන්‌තො චිරායුකො.
භාවෙය්‍යෙවං අමොඝංව, රට්‌ඨපිණ්‌ඩං සුභුඤ්‌ජති.
ආපායිකා බහූ සන්‌ති, මාතාපිතාදි පුබ්‌බකා;
තෙචඤ්‌ඤෙච සුඛීනීඝා, ස්‌ස්‌ව බ්‍යාපජ්‌ජා අවෙරිනො.
ථී පූ රියා නරියාච, දෙවානරා නිපාතිකා.
අවෙරා හොන්‌තු බ්‍යාපජ්‌ජා, අනීඝාච සුඛී ඉමෙ;
අත්‌තානං පරිහාරන්‌තු, චතුධා ඉති භාවයෙ.
අබ්‍යාපජ්‌ජා සුඛීනීඝා, හොන්‌තූති තාව භාවයෙ.
පුරත්‌ථිමාය දිසාය, සබ්‌බෙපාණාතිආදිනා;
ද්‌වාදසක්‌ඛත්‌තුං භාවෙය්‍ය, සෙසාසුපි අයංනයො.
භූතාච පුග්‌ගලා අත්‌ත, භාවී සබ්‌බෙ ථි පූරිසා.
අරියා අරියා දෙවා, නරාච විනිපාතිකා;
අවෙරා බ්‍යාපජ්‌ජා නීඝා, සුඛත්‌තාච භවන්‌තු තෙ.
ද්‌වාදසෙ තෙ පරිච්‌ඡිජ්‌ජ, භාවෙය්‍ය පුග්‌ගලෙ බුධො.
මාකිඤ්‌චි පරිවජ්‌ජෙහි, එවං මෙත්‌තා සුභාවිතා.
පඤ්‌චා නොධි සත්‌තොධිසා, සියුං ද්‌වාදසපුග්‌ගලා;
න්‌තු චතූහෙසු භාවෙත්‌වා, අට්‌ඨතාලීසකා සියුං.
අට්‌ඨතාලීසාහි පඤ්‌ච, සතා ට්‌ඨවීස සාධිකා.
මෙත්‌තාචෙව උපෙක්‌ඛාච, උභො උභොසු භාවිතා.
බ්‍රහ්‌මවාසීති වත්‌තබ්‌බො, තෙස්‌වඤ්‌ඤතර වාසිතො;
ගන්‌ධභූතෙසු සො ලොකෙ, බ්‍රහ්‌මාවිය විරොචති.
අප්‌පමාදාවහ පකිණ්‌ණකනිද්‌දෙස
බහූ ජීවිතකප්‌පනා;
ගහෙත්‌වා පත්‌ත මුඤ්‌ඡො යො,
ජීවිකානං ස ලාමකො.
සුකුලාච තදුපගා, කාමභොගා නපෙක්‌ඛිනො;
න භයට්‌ටා න ඉණට්‌ටා, නෙව ආජීව කාරණා.
ඝරාවාසො තිසම්‌බාධො, පබ්‌බජ්‌ජාව නිරාලයා.
පටිපත්‌ති යිමායාති, කත්‌වා තදුපගා ඉමෙ.
උත්‌තිට්‌ඨෙ නප්‌පමජ්‌ජෙය්‍ය, ධම්‌මං චරිතං සුචරෙ;
ධම්‌මචාරී සුඛංසෙති, අස්‌මිංලොකෙ පරම්‌හිච.
ගිහි බන්‌ධන පුච්‌ඡිජ්‌ජ, සුඛිතා සාසනෙ රතා.
කතපුඤ්‌ඤ විසෙසාව, එතෙ සුලද්‌ධ දුල්‌ලභා;
ඡට්‌ටෙත්‌වාපි මහාරජ්‌ජං, නෙදිසං ලද්‌ධ මඤ්‌ඤදා.
දුස්‌සීලා චෙ ගමිස්‌සන්‌ති, අපායං තිභයානකං.
පරිධංසමානො පකිරෙති, ඡවාලාතංව නස්‌සති.
කුසො යථා දුග්‌ගහිතො, හත්‌ථමෙවා නුකන්‌තති;
සාමඤ්‌ඤං දුප්‌පරාමට්‌ඨං, නිරයා යුප කඩ්‌ඪති.
සඞ්‌කස්‌සරං බ්‍රහ්‌මචරියං, නතංහොති මහප්‌ඵලං.
කරියාචෙ කරියා වෙනං, දළ්‌හමෙනං පරක්‌කමෙ;
සිථිලොහි පරිබ්‌බජො, භිය්‍යො ආකිරතෙ රජං.
සදා අලින චිත්‌තෙන, චරෙය්‍ය බුද්‌ධසාවකො.
රාගං අසුභචින්‌තාය, දොසං මෙත්‌තාය වාරයෙ;
මරණෙන ධජංමානං, සම්‌බුද්‌ධෙ තික්‌ඛ සද්‌ධිකො.
අසුභා කාමවිතක්‌කං, මෙත්‌තා බ්‍යාපාද තක්‌කිතං;
විහිංසං කරුණායෙව, නිවාරෙය්‍ය සදාසතො.
පාපධම්‌මෙහි සංකිණ්‌ණො, සොනිච්‌චාපාය ගාමිකො.
ධොවිත්‌වා පත්‌තිමලානි, පුනාතික්‌කම සංවුතො;
මිච්‌ඡාවිතක්‌ක සඤ්‌ඡෙදී, දූරො අපාය ගාමිතො.
සීහනාදං චතුට්‌ඨානෙ, වෙසාරජ්‌ජො ජිනො නදි.
අන්‌තරාය මනාපජ්‌ජ, නිය්‍යානෙව පතිට්‌ඨතු.
අන්‌තරාය මනාපජ්‌ජ, නිය්‍යානෙව පතිට්‌ඨතු.
සො මිත්‍යත්‌ත පණීධීහි, ලජ්‌ජීයෙව විසොධකො.
අලජ්‌ජීකම්‌ම කිණ්‌ණොපි,
සංවෙජෙත්‌වා සුමිත්‌තිකො;
ලජ්‌ජීයෙව විසොධෙන්‌තො,
මතකොව අසොධකො.
සොමං ලොකං පභාසෙති, අබ්‌භාමුත්‌තොවචන්‌දිමා.
තස්‌ස නිය්‍යානිකං කම්‌මං, කිංනාමකං නසිජ්‌ඣතෙ.
පිණ්‌ඩිකායෙව ජීවන්‌තු, මාපජ්‌ජන්‌තු අනෙසනං.
ධොවෙය්‍යා පත්‌තිමගානි, වුට්‌ඨාන දෙසනම්‌බුහි;
සංවරිස්‌සන්‌ති චිත්‌තෙන, සීලං ධොතස්‌ස නිම්‌මලං.
නත්‌ථි සඤ්‌චිච්‌ච ආපත්‌ති, ලජීව සො පවුච්‌චති.
වාණිජ්‌ජ කසිකාදීහි, නාහාරෙට්‌ඨි ධසාසනෙ;
ධුර ද්‌වයංව කිච්‌චං තං, නාඤ්‌ඤකිච්‌චෙහි හාපයෙ.
සතිමා සම්‌පජානොච, චරෙ සබ්‌බිරියාපථෙ.
බන්‌ධෙය්‍යෙවං සකංචිත්‌තං, සතියා රම්‌මණෙ දළ්‌හං.
අධිසීලාධිචිත්‌තානං, අධිපඤ්‌ඤාය සික්‌ඛනං;
භික්‌ඛු කිච්‌චත්‌තයං එතං, කරොන්‌තොව සුභික්‌ඛුකො.
පාතිමොක්‌ඛං අධිසීලං, පබ්‌බතා ධික මෙරුව.
පඤ්‌ඤත්‌තං ලොකනාථෙන, නභින්‌දෙ සීලසංවරං.
සීලෙනා තික්‌කමං ථුල්‌ලං, පරියුට්‌ඨං සමාධිනා;
පඤ්‌ඤායා නුසයං සණ්‌හං, කිලෙසං භික්‌ඛු භින්‌දති.
පඤ්‌ඤාව පරියොසානං, කල්‍යාණාව ඉමෙතයො.
චතුමග්‌ග යුතා පඤ්‌ඤා, එතං සික්‌ඛත්‌තයං මතං.
සීලනලක්‌ඛණං සීලං, දුස්‌සීල්‍ය ධංසනං රසං;
හිරොත්‌තප්‌ප පදට්‌ඨානං, සුචි පච්‌චුපට්‌ඨානකං.
ධම්‌මට්‌ඨීතීති පඤ්‌චෙතෙ, ගුණා වෙනයිකෙ මතා.
උද්‌ධං කල්‍යාණ ලාභාය, අලිනො අනිවත්‌තිකො.
ධොවිත්‌වා පත්‌තිමලානි, වුට්‌ඨාන දෙසන ම්‌බුහි;
සුද්‌ධසීලෙ ඨිතොයෙව, එවං චින්‌තෙය්‍ය පඤ්‌ඤවා.
සම්‌භූතා පිතු දායාදා, පුත්‌තානාම සභාවතො.
ඛීරං පිත්‌වාව ජීවන්‌ති, ජාතාපි ඉධ පුත්‌තකා;
පරියත්‌ති ජිනක්‌ඛීරං, පිත්‌වාව ජිනපුත්‌තකා.
මග්‌ගඤාණා දයො ධම්‌මො, චත්‌තාරො පච්‌චයාමිසා.
චිර මාමිස දායාදා, රාජපූජාදි ගාහිනො;
දායා මිස්‌සග්‌ගහං නිච්‌ඡි, සද්‌ධම්‌ම ගරුකො ජිනො.
ධම්‌මදායං නවින්‌දම්‌හා, බුද්‌ධපුත්‌තාපි යෙමයං.
බුද්‌ධවාරිත දායාදා, සද්‌ධම්‌මදාය බාහිරා;
පුත්‌තාපි සත්‌ථුදාසාභා, භුත්‌තමත්‌තා හි දාසකා.
නාදියිම්‌හා පමාදාය, තං දායං කුසලන්‌තකං.
ධම්‌මදායාදා මෙභික්‌ඛවෙ තුම්‌හෙභවථ,
මාආමිස දායාදා;
ඉති වුත්‌තං මුනින්‌දෙන,
සාවකෙසු දයාවතා.
ද්‌වින්‌නං ආමිසඅ දායාද, භාවස්‌සච නිවාරණං.
රජ්‌ජෙ චණ්‌ඩාලපුත්‌තාව, සද්‌ධම්‌මචක්‌ක වත්‌තිනො;
පුත්‌තා හොන්‌තාපි දායෙස්‌මිං, නිරාසා තිව නින්‌දිතා.
මහාජානීය සම්‌පත්‌තා, මොඝකත්‌වා තිදුල්‌ලභං.
ගඞ්‌ගාතිණ්‌ණො තළාකම්‌හි, නිමුග්‌ගොවා තිනින්‌දිතො.
එතෙසු තණ්‌හ මාකාසි, මාලොකං පුනරාගමි.
ඉතිවුත්‌තා නුසාරෙන, පච්‌චවෙක්‌ඛණ සුද්‌ධියා;
ආමිසෙසු හනෙ ආසං, පුත්‌තමංසු පමං සරං.
තත්‌තො අග්‌ගිසිඛූපමො;
යඤ්‌චෙ භුඤ්‌ජෙය්‍ය දුස්‌සීලො,
රට්‌ඨපිණ්‌ඩං අසඤ්‌ඤතො.
සීලෙ ඨිතොව භුඤ්‌ජෙය්‍ය, මාදිත්‌ත ගුළකං ගිලි.
අන්‌නාන මථො පානානං,
ඛාදනීයාන මථොපි වත්‌ථානං;
ලද්‌ධාන සන්‌නිධිං කරියා,
නච පරිත්‌තසෙ තානි අලභමානො.
සක්‌කාරං නාභිනන්‌දෙය්‍ය, විවෙක මනුබ්‍රූහයෙ.
සද්‌ධම්‌මෙයෙව ආසිකො;
අප්‌පමත්‌තො සමාරද්‌ධො,
ධම්‌මදායං ලභිස්‌සති.
පරියත්‌තිං විනා සෙය්‍යං, නලභන්‌ති බුධාඅපි;
සෙය්‍යත්‌ථිකොව සික්‌ඛෙය්‍ය, නෙව පූජාදි කාරණා.
තථූපමාය සික්‌ඛන්‌තො, අපායෙසු පතිස්‌සති.
සික්‌ඛිතෙන අමානත්‌ථං, නසාධු මානථද්‌ධිකො;
මුදුභාවාය සික්‌ඛිත්‌වා, දමෙන්‌තො මුදුකො භවෙ.
දහරාපි හි මිය්‍යන්‌ති, නත්‌ථි වස්‌සග්‌ගතො මතං.
සද්‌ධංතික්‌ඛෙය්‍ය බුද්‌ධෙන, රාගං අසුභ චින්‌තයා;
මරණෙන ධජංමානං, දොසං මෙත්‌තාය වාරයෙ.
සික්‌ඛන්‌තස්‌සෙහි රක්‌ඛෙහි, නකොචි සංකිලෙසිකො.
වුත්‌තො ධම්‌මවිහාරීති, එදිසො සාසනෙ වරො.
ගරූන මුපදෙසෙන,
චතුරක්‌ඛො සුසීලවා;
අප්‌පස්‌සුතොපි පාසංසො,
භිය්‍යොයෙව බහුස්‌සුතො.
ධීරො ආසං හනෙ කාමෙ, ඛුරධාරමධූපමෙ.
යොධ කාමෙ සුඛංමඤ්‌ඤි,
න සො දුක්‌ඛා විමුච්‌චති;
මාතාහි බ්‍යග්‌ඝ මන්‌වෙන්‌තො,
වඡො මුත්‌තො කථංභයා.
භායිතබ්‌බ සුඛං තඤ්‌හි, තස්‌මිං ලග්‌ගා මහාතපා.
ලද්‌ධා කාමසුඛං බාලා, පමොදන්‌ති නපණ්‌ඩිතා;
පසුපක්‌ඛීභි ලද්‌ධබ්‌බං, අනන්‌තදුක්‌ඛ කාරණං.
අනොම සත්‌ත පරිභොගං, භගනිස්‌සරණාවහං.
ධම්‌මෙ පීතිඤ්‌ච පාමොජ්‌ජං, පත්‌ථෙය්‍ය සාධුසම්‌පතො.
පරිග්‌ගණ්‌හන්‌ති යෙකාමෙ, හිං සන්‌තිතෙ තදත්‌ථිකා;
පරිච්‌චත්‌තං න හිං සන්‌ති, මුත්‌තං වණ්‌ණෙන්‌ති සාධවො.
අචිරංයෙව භූසායී, යුත්‌තොව ත මුපෙක්‌ඛිතුං.
රක්‌ඛිතොපි අගුත්‌තොව, කායො භයමුඛෙ ඨිතො;
තස්‌මා කාය මුපෙක්‌ඛිත්‌වා, චරෙධම්‌ම මඡම්‌භිතො.
කතංකතං මුධාතො න, තදත්‌ථං දුච්‌චරෙ චරෙ.
පුට්‌ඨුං කායං තිදුබ්‌භරං;
භූම්‍යං කායං ඨපෙත්‌වාන,
අනාථො සො අපායිකො.
වෙරීවසා නුගං කායං,
බාලො පොසෙති දුච්‌චරො;
පොසෙන්‌තො නිරයෙ පක්‌කො,
කායො භූම්‍යං විකාරගූ.
භූම්‍යං සෙස්‌සති වෙකාරී, පාපිකො නිරයං ගතො.
අමය්‌හං මය්‌හසඤ්‌ඤාය,
කායං රොගවසානුගං;
පොසං පත්‌තො මහාජානිං,
නොකාසො ධම්‌ම මික්‌ඛිතුං.
ධම්‌මං දට්‌ඨුං රහොගතො;
උපෙක්‌ඛායෙව ඔකාසො,
දුක්‌ඛිතා ම්‌හ අපෙක්‌ඛයා.
සොධෙ චිත්‌තංව පක්‌කත්‌ථං, නකායං භවභීරුකො.
නසාධු කායසඞ්‌ඛාරො, සඞ්‌ඛතොප්‍යසුභොව සො.
සභාව මලිනං කායං, නිම්‌මලාය කථං කරෙ;
ආගන්‌තුමලිනං චිත්‌තං, සක්‌කා කාතුං සුනිම්‌මලං.
කොහිනාම සරීරාය, ධම්‌මාපෙතං සමාචරෙ.
සභාවජෙගුච්‌ඡං කායං, සොභෙතුංනෙවසක්‌කුණෙ;
චිත්‌තං වා ලඞ්‌කතං සොභං, සීලාදි ගන්‌ධවාසිතං.
මාකත්‌ථ පාපකං කම්‌මං, ආවිවා යදිවා රහො.
කිලෙසා ගන්‌තුමලංචිත්‌තං, පභස්‌සර සභාවිකං;
තදාගන්‌තුමලං ධොව, චිත්‌තං ධොතෙ පභස්‌සරං.
සුවිසුද්‌ධ මනායෙව, උත්‌තරිංසු භවණ්‌ණවා.
කායෙ මලමුපෙක්‌ඛාය, චිත්‌තෙ මලංව ධොවතු;
චිත්‌තෙ හි නිම්‌මලෙසන්‌තො, පූතිකායොපි පූජිතො.
සුඛිතො කායරොගීපි, චිත්‌තෙ නිරාමයෙ සති.
කායරොගෙ බහූ වෙජ්‌ජා, බුද්‌ධුත්‌තිව මනොගදෙ;
ඉධාපි කායිකො සන්‌තො, අනන්‌තාව මනොරුජා.
ඛිප්‌පං අසුභ සඤ්‌ඤාය, නිච්‌චදඩ්‌ඪං භවෙභවෙ.
සුභාය උට්‌ඨිතං රාගං, අසුභාය නිවාරයෙ;
සොරාගො සාදිතං ජන්‌තුං, චත්‌වාපායං නයිස්‌සති.
මාඛො අත්‌තාන මුක්‌කංසෙ, මාවිභාවෙ සකංමලං.
ගුණං පටිච්‌ච ගුණීනං, අහංමානො සමුට්‌ඨහෙ;
මරණං අනුචින්‌තාය, ධජංමානං නිපාතය.
වසෙ චිත්‌තවිවෙකෙසී, උභො පධි විවෙකාදා.
අදිට්‌ඨෙ අසුතෙ ඨානෙ, වසෙය්‍ය මොචනත්‌ථිකො;
අස්‌සාදංහි නිවාරෙතුං, දිට්‌ඨෙ සුතෙ තිදුක්‌කරං.
වාරෙතුං විසයාකිණ්‌ණෙ, චක්‌ඛුසොතං තිදුක්‌කරං.
රාගං අසති උප්‌පන්‌නං, සන්‌තාභුජෙන වාරයෙ;
බාහිරෙ රාග මුප්‌පන්‌නං, අන්‌තො අසුභචින්‌තයා.
පස්‌සං කායෙධ ජෙගුච්‌ඡං, ලභෙය්‍යා සිට්‌ඨමොචනං.
කායං අසුභතොපස්‌ස, කල්‌ලකාලෙව දස්‌සනං;
මොඝං කාලං නඛීයෙය්‍ය, භවෙය්‍යුංස්‌වෙපිආතුරා.
ආදො කිඤ්‌චි ජිගුච්‌ඡාය, ජිගුච්‌ඡෙය්‍යායතිං භුසං.
කායාදිනව මික්‌ඛෙය්‍ය, දානි කිඤ්‌චිපි දස්‌සනං;
ආයතිං මග්‌ගලාභාය, භවෙය්‍ය උපනිස්‌ස යො.
තදාසා උභතො භට්‌ඨා, සුගත්‍යා සාසනාපිච.
ඉත්‌ථිරූප සරාකඩ්‌ඪා, භට්‌ඨා බහූව සාසනා;
ඉහාපි දුක්‌ඛිතා හුත්‌වා, තෙ පෙච්‌ච අතිදුක්‌ඛිනො.
තස්‌සම මඤ්‌ඤ මෙකම්‌පි, නවිජ්‌ජතෙව සබ්‌බධි.
ආසදෙ ආසිවිසෙපි, අග්‌ගික්‌ඛන්‌ධෙපි ආසදෙ;
නත්‌වෙව මාතුගාමෙන, එකෙකාය සුපෙසලො.
කාමං අසුභචින්‌තාය, බ්‍යාපාදං ස්‌නෙහචෙතසා;
විහිංසං කරුණායෙහි, විතක්‌කග්‌ගී තයොසමෙ.
අථිරා සාසනෙ තාපී, තෙපච්‌ඡාඅතිතාපිනො.
සුභාවිතාහි එතාහි, ජහෙලොකෙ පියාපියං.
ගතට්‌ඨිතාදො උප්‌පන්‌නෙ, විතක්‌කග්‌ගී තයො සමෙ;
ආතාපී පහිතත්‌තොති, එවංභූතො පවුච්‌චති.
තස්‌සතෙ සග්‌ගකාමස්‌ස, එකත්‌ත මුපරොචිතං.
සිනිහප්‌පත්‌තො දුතීයො, කමෙකා සිනිහිස්‌සති;
තස්‌සතෙ මොක්‌ඛකාමස්‌ස, එකත්‌ත මුපරොචිතං.
තස්‌සෙව ඵාසු භවති, එකස්‌ස වසතො වනෙ.
සුඛඤ්‌ච කාම මයිකං, දුක්‌ඛඤ්‌ච පවිවෙකිකං;
පවිවෙකං දුක්‌ඛං සෙය්‍යො, යඤ්‌චෙ කාමමයං සුඛං.
එකාහං ජීවිතං සෙය්‍යො, පස්‌සතො උදයබ්‌බයං.
අමානුස්‌සී රති හොති, සම්‌මාධම්‌මං විපස්‌සතො.
ලභති පීතිපාමොජ්‌ජං, අමතං තං විජානතං.
ඉච්‌චුත්‌තං ධම්‌මපාමොජ්‌ජං, විවෙකජං රසාධිකං;
ඉච්‌ඡන්‌තො සීලවා භික්‌ඛු, අනිවත්‌තිත වීරියො.
වනා වාසෙ වසිත්‌වාන, අප්‌පිච්‌ඡාදිගුණාවහො;
පලි බොධෙ සමුච්‌ඡිජ්‌ජ, භාවෙය්‍යෙවංරහොගතො.
තස්‌සිතා වෙදනා සඤ්‌ඤා, සඞ්‌ඛාරාච තතොපරෙ.
විඤ්‌ඤාණඤ්‌ච ඉමෙපඤ්‌ච, ඛන්‌ධා රාසත්‌ථතො මතා;
තෙචානිච්‌ච දුක්‌ඛා නත්‌තා, උපාදා වයධම්‌මිනො.
මරීචිකූපමා සඤ්‌ඤා, සඞ්‌ඛාරා කදලූපමා.
මායූපමන්‌ති විඤ්‌ඤාණං, දස්‌සිතෙ සබ්‌බ දස්‌සිනා;
උපමාහි සමස්‌සෙ ය්‍ය, පඤ්‌චක්‌ඛන්‌ධෙ අසාරකෙ.
කොටිලක්‌ඛාතහිංඛණෙ;
ඛන්‌ධා භිජ්‌ජන්‌ති හුත්‌වාන,
අනිච්‌චානාම තෙ තතො.
භය පීළිතතො දුක්‌ඛා, අනත්‌තා අවිධෙය්‍යතො;
ඛන්‌ධාව හොන්‌ති භිජ්‌ජන්‌ති, අඤ්‌ඤො කොචි නලබ්‌භති.
අනත්‌තා සාරකට්‌ඨෙන, ඉති පස්‌සෙ පුනප්‌පුනං.
භාණූදයෙ කයං එන්‌ති, හෙමන්‌තෙ පතිතුස්‌සවා;
රාගා මානාච සබ්‌බෙවං, සත්‍යා නිච්‌චානුපස්‌සනෙ.
වෙහප්‌ඵලාපි ලොකෙවං, ජිනෙරිත තිලක්‌ඛණං.
තණ්‌හාවිජ්‌ජාච කම්‌මාදි, නාමරූපස්‌ස පච්‌චයා.
නාමරූපං පරිග්‌ගය්‌හ, තතො තස්‌සච පච්‌චයං;
හුත්‌වා අභාවතො නිච්‌චා, උදයබ්‌බය පීළනා.
දුක්‌ඛා අවසවත්‌තිත්‌තා, අනත්‌තාතිතිලක්‌ඛණං;
ආරොපෙත්‌වාව සඞ්‌ඛාරෙ, සම්‌මසන්‌තො පුනප්‌පුනං.
සබ්‌බසංයොජන ක්‌ඛයං;
තම්‌පත්‌තො අරහා භික්‌ඛු,
භවතිණ්‌ණො සුනිබ්‌බුතො.
මෙමෙතන්‌ති උපාදානං, පඤ්‌චක්‌ඛන්‌ධෙ විනාසයෙ.
පුත්‌තා මත්‌ථි ධනා මත්‌ථි, ඉති බාලො විහඤ්‌ඤති;
අත්‌තාපි අත්‌තනො නත්‌ථි, කුතොපුත්‌තොකුතොධනං.
ඉච්‌චුත්‌ත මනුචින්‌තාය, අත්‌තාති අත්‌ථිමෙතිවා;
සඤ්‌ඤං නාසෙය්‍ය ඛන්‌ධාව, අත්‌ථීති ආභුජෙ බුධො.
සොචන්‌ති පරිදෙවන්‌ති පුත්‌තොනත්‌ථි නසොමතො.
නාදිකාල විපරිතා, මහාජානීයතං ගතා.
භිජ්‌ජමානෙසු ඛන්‌ධෙසු, ලග්‌ගා රත්‌තා මමායිතා;
නාරීපුමාදි සඤ්‌ඤාය, විපරෙතා අනාදිකෙ.
භිජ්‌ජමානෙසු ඛන්‌ධෙසු, ජහ ත්‌තාති මමායනං.
අභිණ්‌හුප්‌පත්‌තියායෙව, භිජ්‌ජමානො නඤ්‌ඤයති;
අනිච්‌චලක්‌ඛණං ඡන්‌නං, තං චින්‌තෙය්‍ය සුපඤ්‌ඤවා.
නත්‌ථි සන්‌තෙසු ලග්‌ගන්‌තා, රූපක්‌ඛන්‌ධා දිකෙ ස්‌විධ.
තණ්‌හා ගිජ්‌ඣති මෙතන්‌ති, මානො අහන්‌ති මඤ්‌ඤති;
දිට්‌ඨි ගණ්‌හාති අත්‌තාති, එතෙ පපඤ්‌චකා තයො.
ගණ්‌හන්‌තො භව පඞ්‌කම්‌හි, නිම්‌මුග්‌ගොව භයානකෙ.
නමෙ නාහං නඅත්‌තාති, එතෙහි විවදං කරෙ;
විවදන්‌තාව මුච්‌චන්‌ති, භවපඞ්‌කා භයානකා.
තථෙව සබ්‌බදා මඤ්‌ඤෙ, මා පපඤ්‌ච වසානුගො.
ලොකො විවදි බුද්‌ධෙන, නලොකෙන කදාචිසො;
අනත්‌තාති ජිනුද්‌දිට්‌ඨං, ලොකො අත්‌තාති මඤ්‌ඤති.
තස්‌සමො කිංතදුත්‌තරෙ;
අන්‌ධිභූතො අයංලොකො,
සම්‌බුද්‌ධස්‌ස විරොධිකො.
සම්‌බුද්‌ධස්‌ස වසං න්‌වෙතු, සන්‌ඣාදි භයතජ්‌ජිතො;
තබ්‌බසංයෙව අන්‌වෙන්‌තො, භවතිණ්‌ණො භවිස්‌සති.
මුසාය විවදෙ ලොකො, බුද්‌ධෙන සච්‌ච වාදිනා.
තුරඞ්‌ගවජගාමම්‌හා, පුරිමෙ චමක්‍ය කානනෙ;
වසතා අග්‌ගධම්‌මෙන, ථෙරෙන රචිතො අයං.
අරිමත්‌තෙය්‍ය බුද්‌ධස්‌ස,
ධම්‌ම ස්‌සුතක්‌ඛණෙ භවෙ;
ඛීණාසවො මහාපඤ්‌ඤො,
පුඤ්‌ඤෙන තෙන සාවකොති.
කායපච්‌චවෙක්‌ඛණා
දාතුමෙ කන්‌තිකස්‌සාදං, සත්‌ථු පාදො තිමානිතො.
සාධු තුට්‌ඨිකරං බ්‍රූමි, සුකාය පච්‌චවෙක්‌ඛණං.
යොනිසො මනසීකත්‌වා, නාදා විරුද්‌ධ මඤ්‌ඤිතං;
සාධවො ත මුදික්‌ඛන්‌තු, මයාපි මන්‌දබුද්‌ධිනො.
තදාකාරෙන වත්‌තිතා, කායො ජෙගුච්‌ඡ පුඤ්‌ජකො.
පුනප්‌පුනංව ඔක්‌කම, ඤාණ මන්‌තො පවෙසිය;
බාහිරංව අනාලම්‌බ, ඉක්‌ඛණා පච්‌චවෙක්‌ඛණා.
නාරී ගතාති යාචින්‌තා, නෙව සාපච්‌චවෙක්‌ඛණා.
සඤ්‌ඤාදිට්‌ඨිච චිත්‌තඤ්‌ච, විපල්‌ලාසා ඉමෙතයො;
ත දාකාරෙන වත්‌තන්‌ති, අවිජ්‌ජො ත්‌ථරිතා භුසං.
විපල්‌ලාසාති තෙමතා;
ආසා ආසිසනා වුත්‌තා,
තණ්‌හායෙව සභාවතො.
අසුභෙව සුභමිති, අනිච්‌චෙඑව නිච්‌චතො;
දුක්‌ඛෙයෙව සුඛංවාති, අනත්‌තනිව අත්‌තතො.
සඤ්‌ඤාණං දස්‌සනං චින්‌තා,
ද්‌වාදසා කාරතො තයො;
දිට්‌ඨිසා චාදි මග්‌ගෙන,
සෙසා සෙසෙහි වජ්‌ඣිතා.
යස්‌සි දිට්‌ඨිච අත්‌තාති, පපඤ්‌චා නාමිමෙ තයො.
පපඤ්‌චන්‌ති සංසාරං, තස්‌මා පපඤ්‌චනාමකා;
භවයන්‌තෙ පයොජෙන්‌තා, මොක්‌ඛං නාදංසු තෙ චිරං.
භවපඞ්‌කෙ නි මුජ්‌ජන්‌තා, පපඤ්‌චානං වසානුගා;
චිරස්‌සං දුක්‌ඛිතා හොන්‌ති, ආරා නිබ්‌බානතො තිව.
භණ්‌ඩන්‌තා විවදන්‌තා තෙ, නිබ්‌බානතො අදූරිනො.
විපල්‌ලාසෙ පපඤ්‌චෙච, ද්‌වෙපිඑතෙ පහාතවෙ;
සොපච්‌චවෙක්‌ඛිතබ්‌බෙ වං, කායො ජෙගුච්‌ඡපුඤ්‌ජකො.
තණ්‌හායාපිච ගොචරා;
තස්‌මා තෙ දට්‌ඨුකාමෙන,
තණ්‌හා නිවාරිතා සදා.
ලග්‌ගිකා ඡවියංයෙව, තණ්‌හා බාහිරගොචරා;
තස්‌මා එත්‌ථ තචොවාහ, සම්‌බුද්‌ධො න බහිච්‌ඡවිං.
අතො ඡවි මනාලම්‌බ, තචසීව මනෙකරෙ.
ජිගුච්‌ඡිතානි ඡාදෙති, අට්‌ඨි මංස තචාදිනි;
ඤාණෙන ඡින්‌දි තබ්‌බාච, තස්‌මා ඡවීති වුච්‌චති.
තං ඡෙත්‌වා මංසකාදයො;
ගබ්‌භෙවත්‌ථූනි දීපෙන,
යථා පඤ්‌ඤාපදීපිකො.
ජෙගුච්‌ඡො ඡවියා කායො,
අසුභොව සුභායතෙ;
නිච්‌ඡවා තචමත්‌තෙන,
කථං සුභායතෙ අයං.
ඡවියාව විමොහෙති, තචච්‌ඡන්‌නො ඉමං පජං.
වණ්‌ණ සණ්‌ඨාන තොචෙව,
ගන්‌ධො කාසා සයෙහිච;
ජෙගුච්‌ඡා පටිකුල්‍යාච,
කෙසානාම න මෙපියා.
භාවෙතබ්‌බා සමාරම්‌භ, යථාපඤ්‌ඤායතෙ තථා.
පූරිතං මත්‌ථලුඞ්‌ගස්‌ස, සීසට්‌ඨිපි ජිගුච්‌ඡිතං;
මුඛ නාසක්‌ඛි කණ්‌ණාදි, ඡිද්‌දා වඡිද්‌ද දුද්‌දසං.
පිත්‌තං සෙම්‌හඤ්‌ච පප්‌ඵාසං, හදයං යකනම්‌පි ධී.
අන්‌න පානං මනුඤ්‌ඤම්‌පි, ඛෙළ තින්‌ත මධොපරි;
දන්‌තෙහි පිසිතං ස්‌වාන, වමථූව ජිගුච්‌ඡිතං.
කිමිකූල සමාකිණ්‌ණෙ, තහිමෙවා සිතාසිතං.
එතං උදරියං නාම, තම්‌හා පක්‌කාසයං ගතං;
දිනච්‌චයෙ කරීසන්‌තං, සා සයං තංද්‌වයම්‌පි ධී.
පටිච්‌ඡන්‌නො නිහරති, තමෙව න්‌තො ඨිතං ජනො.
පවෙසෙ තං පරිවතො,
නිහරෙකො රහො ලිනො;
මනුඤ්‌ඤංව පවීසන්‌තෙ,
නික්‌ඛමන්‌තෙ ජිගුච්‌ඡිතං.
නපියානි න තුට්‌ඨානි, නෙවඉත්‌ථී නපූපිසො.
හත්‌ථ පාද මුඛාදීනි,
නත්‌ථඤ්‌ඤානි ජිගුච්‌ඡිතා;
තත්‌ථා කුමාරිකා කඤ්‌ඤා,
මොහෙන අත්‌ථිසඤ්‌ඤිතා.
නත්‌ථිකඤ්‌ඤා කුමාරීවා, සම්‌පිණ්‌ඩිතෙසු සා කුතො.
තචාදි පරිවාරිතො;
තථාසීසං මුඛංහත්‌ථො,
පාදොරු කටිආදයො.
ථම්‌භාදීස්‌විව ගෙහොති,
පිණ්‌ඩිතෙ ස්‌වෙසු සම්‌මුති;
කායොති ඉත්‌ථිපොසොති,
සංමුළ්‌හො තායරජ්‌ජති.
අසන්‌තං අනුචින්‌තෙන්‌තො, නානාදුක්‌ඛෙහි තප්‌පති.
ජවත්‍යා විජ්‌ජමානෙව, නාවිජ්‌ජා විජ්‌ජමානකෙ;
තස්‌මාතංනාමකො මොහො, තණ්‌හාපිච තදන්‌විතා.
තස්‌සමං නත්‌ථිගාරය්‌හං, ය්‌වාමලම්‌පි මලංකරෙ.
මහානත්‌ථකරො චීරං;
නත්‌ථි කායසමො වඤ්‌චො,
අසුභොව සුභායතෙ.
ථීපුං සපරකායොති, පස්‌සතිපි නපස්‌සති;
ජෙගුච්‌ඡ පටිකුල්‍යොති, සම්‌මා පස්‌සති පස්‌සති.
ධීති ධීති ජිනෙරිතෙ;
ලොකාලොකා නධීයෙසං,
භවා භවා වචාරිනො.
භිය්‍යොභිය්‍යොව රාගග්‌ගි,
සුභොසුභොතිපස්‌සතො;
මන්‌දොමන්‌දොව සොඅග්‌ගි,
ධීවධීවවිපස්‌සතො.
අසුභොති විපස්‌සන්‌තො, අප්‌පස්‌සුතොපිපණ්‌ඩිතො.
යොච සිප්‌පානි ජානෙය්‍ය, සතානි සහස්‌සානිපි;
කායෙකජානනං සෙය්‍යො, යඤ්‌චෙ අඤ්‌ඤ විජානංනං.
සුතාච පණ්‌ඩිතාත්‍යම්‌හා, යුත්‌තොයෙවා තිලජ්‌ජිතුං.
සුභතොයෙව මඤ්‌ඤාමි, එවං ජිගුච්‌ඡිතම්‌පිනං;
මඤ්‌ච ඤෙ පණ්‌ඩිතො ත්‍යාහු, අලමෙවාතිලජ්‌ජිතුං.
සුලද්‌ධ සුගතො වාදො, ස්‌වාරහොවාතිලජ්‌ජිතුං.
කායෙන සංසරන්‌තොපි, තදාකාරං යථාතථං;
භවෙභවෙ අජානන්‌තො, මමායිත්‌වාව තං චජිං.
නිච්‌චුපාදා මමායන්‌තො, පියායිත්‌වාව තං චජිං.
කුභාරං සාරසඤ්‌ඤාය, පියායිත්‌වාව හිංසකං;
අනන්‌තදුක්‌ඛ මාපාදිං, විපල්‌ලාසො භවෙභවෙ.
දිරොකත ජිනොවාදො, අනිවත්‌තිත වීරියො.
අදිට්‌ඨපුබ්‌බ මෙතස්‌ස, තථාකාරංව පස්‌සතු;
කිච්‌ච මඤ්‌ඤ මුපෙක්‌ඛාය, සංසාර භය භීරුකො.
උන්‌නළානං පමත්‌තානං, තෙසං වඩ්‌ඪන්‌ති ආසවා.
යෙසඤ්‌ච සුසමාරද්‌ධා, නිච්‌චං කායගතා සති;
අකිච්‌චං තෙ නසෙවන්‌ති, කිච්‌චෙ සාතත කාරිනො;
සතානං සම්‌පජානානං, අත්‌ථං ගච්‌ඡන්‌ති ආසවාති.
මුඛක්‌ඛි ත්‍යාදිනා ඉමං;
රත්‌තෙ මුට්‌ඨෙ කරොන්‌තෙතෙ,
අඤ්‌ඤෙජනෙ සයංවිය.
කායසොභ්‍ය පකාසෙතා,
වාචා වෙ මාරදෙසනා;
තදසොභ්‍ය පකාසෙතා,
වාචා සම්‌මුද්‌ධ දෙසනා.
සංමුළ්‌හාතෙ න මුච්‌චන්‌ති, භවා බුද්‌ධ විරොධිනො.
අසුභොති ජිනුද්‌දිට්‌ඨං, කායං තථෙව ගාහිනො;
පණ්‌ඩිතා තෙව මුච්‌චන්‌ති, භවා බුද්‌ධමතානුගා.
අලං කායවිසොධෙන, බාලොව තං ගරුං කරො.
ගොපෙන්‌තෙව අරොගාය,
කායො රොගෙනසංවසෙ;
ගායගුත්‌තං මුධායෙව,
චිත්‌තගුත්‌තංව සාත්‌ථකං.
මුත්‌තොමණි විභූසිතො;
තංසභාවොව සොකායො,
විස්‌සවන්‌තො තතොතතො.
විසෙසො නත්‌ථි කිඤ්‌චිපි;
කායො චෙමනුඤ්‌ඤො තම්‌හා,
පතිතොපි තථාසියා.
කායො මනුස්‌සජාතීනං, තිරච්‌ඡාන ත්‌තභාවතො;
ජෙගුච්‌ඡිත තරොහොති, දුබ්‌බිසොධොච දුබ්‌භරො.
පච්‌චහං සොධනීයොච, ධොවන මජ්‌ජනාදිභි.
රත්‌තං පාතුං ඡවිං ඡෙත්‌වා, සක්‌කා ඩංසාදයොපිනං;
ඡෙත්‌වා මංස ට්‌ඨිකාදීනි, ධීරො නාලම්‌බිතුං කථං.
ථීපුං මුඛාදි සඤ්‌ඤාය, තෙ පමුළ්‌හා මහාතපා.
චාරී අගොචරෙ කාමෙ, ලග්‌ගාලෙපෙ කපීරිව;
බහූහි පීළිතා රීහි, මරන්‌ති අතිදුක්‌ඛිනො.
සීතානිස්‌සිත ලටුකී, සෙනකංව මහබ්‌බලං.
ජයභූබුද්‌ධ දුත්‌තියා;
එත්‌ථෙව ගොචරා හොන්‌තු,
මාභො කාමෙ ජයත්‌ථිකා.
ආයතිං මග්‌ගලාභාය, තං දස්‌සනං භවිස්‌සති.
ධීචක්‌ඛුනාව ධික්‌කායං, පස්‌සෙ න මංසචක්‌ඛුනා;
උම්‌මිලිත්‌වාව ධීචක්‌ඛුං, විවෙකට්‌ඨො උදික්‌ඛතු.
වෙරී ලභතු මොකාසං, පඤ්‌චද්‌වාරා අරක්‌ඛිතා.
මහානත්‌ථකරො සොච, සංවාසං තෙන වාරයෙ.
රූපාදීසුසඤ්‌ජන්‌තීති, සත්‌තා ඉත්‌ථ්‍යාදි සඤ්‌ඤාය;
නත්‌වෙව ඛන්‌ධසඤ්‌ඤාය, තංසඤ්‌ඤිහි විරාගිනො.
ආසං ඡින්‌දෙය්‍ය පණ්‌ඩිතො;
ආසං ඡෙත්‌වා සුඛංසෙති,
ආසාය දුක්‌ඛිතා පජා.
දස්‌සනෙ සවනෙ කාය,
සංසග්‌ගෙ මෙථුනෙපිච;
නිරාසො සුඛිතො හොති,
අනිරාසොතිදුක්‌ඛිතො.
තංකායං අසුතංජාන, තනුරාගො සියාත්‌තනි.
කායෙවිරාග මිච්‌ඡන්‌තො, නුපස්‌සෙය්‍ය තදන්‌තරං;
අන්‌තොදස්‌සී අතප්‌පන්‌තො, ලභෙ සංසාරමොචනං.
සන්‌තොසන්‌තො විපස්‌සන්‌තො, නවානවායතිංභවෙ.
සොභං සොභං නයෙ ඨානං, මනං මනං ප්‍යලං කතං.
සංසග්‌ගජාතස්‌ස භවන්‌ති ස්‌නෙහා,
ස්‌නෙහාන්‌වයං දුක්‌ඛ මිදං පහොති;
ආදිනවං ස්‌නෙහජංපෙක්‌ඛ මානො,
එකො චරෙඛග්‌ග විසාණ කප්‌පො.
පුත්‌තෙසුච විපුලං හොති පෙමං;
පියවිප්‌පයොගං විජිගුච්‌ඡමානො,
එකො චරෙ ඛග්‌ගවිසාණ කප්‌පො.
පුත්‌තෙසු දාරෙසුච යාඅපෙක්‌ඛා;
වංසකළිරොව අසජ්‌ජමානො,
එකො චරෙ ඛග්‌ගවිසාණ කප්‌පො.
අද්‌ධා පීතිමනො හොති, මච්‌චො ලද්‌ධා යදිච්‌ඡති.
තස්‌සචෙ කාමයානස්‌ස, ඡන්‌දජාතස්‌ස ජන්‌තුනො;
තෙකාමා පරිහායන්‌ති, සල්‌ලවිද්‌ධොව රුප්‌පති.
සොමං විසත්‌තිකං ලොකෙ, සතො සමතිවත්‌තති.
ඛෙත්‌තං වත්‌ථුං තළාකංවා, ගවස්‌සං දාසපොරිසං;
ථියො බන්‌ධූ පුථුකාමෙ, යොනරො අනුගිජ්‌ඣති.
අබලා නං බලීයන්‌ති, මද්‌දන්‌තෙනං පරිස්‌සයා;
තතොනං දුක්‌ඛමන්‌වෙති, නාවං භින්‌න මිවොදකං.
තෙ පහාය තරෙ ඔඝං, නාවං සිත්‌වාව පාරගූ.
කාමතො ජායතෙ භයං;
කාමතො විප්‌පමුත්‌තස්‌ස,
නත්‌ථි සොකො කුතො භයං.
භොජනම්‌හි අමත්‌තඤ්‌ඤුං, කුසිතං හීන වීරියං;
තංවෙ පසහති මාරො, වාතො රුක්‌ඛංව දුබ්‌බලං.
අසුභානුපස්‌සිං විහරන්‌තං, ඉන්‌ද්‍රියෙසු සුසංවුතං;
භොජනම්‌හිච මත්‌තඤ්‌ඤුං, සද්‌ධං ආරද්‌ධ වීරියං;
තංවෙ නප්‌පසහති මාරො, වාතො සෙලංව පබ්‌බතං.
එවං අභාවිතං චිත්‌තං, රාගො සමතිවිජ්‌ඣති.
පතිට්‌ඨං සාසනෙ ලද්‌ධා, නුක්‌කණ්‌ඨා නලසා රතා.
දොසං තණ්‌හං අනාසෙන්‌තො, පරිපක්‌කො කදාභවෙ;
පුඤ්‌ඤකම්‌මං අකරොන්‌තො, පරවජ්‌ජං අඛමන්‌තො.
කාය සඞ්‌ඛාරිකා තණ්‌හා, නීචානීචකරාච සා;
චිත්‌තසඞ්‌ඛාරිකා සද්‌ධා, උච්‌චා උච්‌චකරාච සා.
විකිණ්‌ණචාරිකා තණ්‌හා, සද්‌ධා විසදචාරිනී.
මනොකිලෙසිකා තණ්‌හා, සානුගානන්‌ත දුක්‌ඛදා;
චිත්‌තප්‌පසාදිකා සද්‌ධා, අත්‌තානුග සුඛාවහා.
ඤත්‌වා තණ්‌හං විනාසෙය්‍ය, සද්‌ධංභාවෙය්‍ය චෙතසි.
උච්‌ඡුකං යන්‌තපත්‌තම්‌පි, සඤ්‌චුණ්‌ණිතම්‌පි චන්‌දනං;
මධුරංව සුගන්‌ධංව, මෙත්‌තිව හිංසිතොපි සං.
සන්‌තො මෙත්‌තාසුගන්‌ධෙන, අත්‌තහිංසම්‌පි වාසයෙ.
කදාචිපි න දුග්‌ගන්‌ධි, සුක්‌ඛං චුණ්‌ණම්‌පි චන්‌දනං;
තථෙව දුක්‌ඛපත්‌තොපි, න සන්‌තො පාපකාරකො.
මෙත්‌තාතින්‌තෙන වෙරීපි, නුපනාහො සියත්‌තනි.
නගච්‌ඡති ත මක්‌කොසො, මමෙවා නත්‌ථකාරකො;
ඉති ඤත්‌වාව සප්‌පඤ්‌ඤො, නෙව ක්‌කොසෙය්‍ය කිඤ්‌චනං.
තස්‌සෙවා නත්‌ථකාරකො;
ඉති ඤත්‌වා තිතික්‌ඛෙය්‍ය,
න පච්‌චක්‌කොසනං කරෙ.
අක්‌කොසක නයං ගණ්‌හි,
පච්‌චක්‌කොසො න සො වරො;
බුධො තං නානුගාහෙය්‍ය,
මා සොව පාපියො භවෙ.
සබ්‌භත්‌ති සද්‌ධම්‌මස්‌සුතං, ද්‌වෙයෙව මධුරා ඵලා.
සොධෙ චිත්‌ත මුපක්‌කම්‌ම, සුද්‌ධං උපක්‌කමෙන තං;
වහෙ සුඛං අසඞ්‌ඛෙය්‍යං, දුක්‌ඛං අසොධිතං මලි.
චිත්‌තං සොධෙතු මාලිම්‌පෙ, රාගදොස මලෙහි තං.
දොසෙජා නාසිතා යෙන,
සාසනෙවත්‌ථි සොනයො;
නත්‌ථඤ්‌ඤත්‌ථ තමාදාය,
බුධො නාසෙතු තංද්‌වයං.
වසතා අග්‌ගධම්‌මෙන, ථෙරෙන රචිතො අයන්‌ති.
No comments:
Post a Comment